დიდინეძში მომხდარ ინციდენტთან დაკავშირებით, „ნაციონალური მოძრაობის“ 2 წევრს ბრალი წაუყენეს და პასუხისგებაში მისცეს. ამის შესახებ „ექსპრესნიუსს“ შინაგან საქმეთა სამინისტროს პრესსამსახურში განუცხადეს.

ისინი პასუხისგებაში სისხლის სამართლის კოდექსის 162-ე პრიმა მუხლით  მიეცნენ, რაც კენჭისყრის შენობაში, საარჩევნო კომისიის განთავსების ადგილას, ან მათ მიმდებარე ტერიტორიაზე, ან წინასაარჩევნო აგიტაციის, ან წინასაარჩევნო კამპანიის ღონისძიების დროს ძალადობას, ან ძალადობის მუქარას გულისხმობს.

შსს-ში განმარტავენ, რომ ამ შემთხვევაში,  პასუხისგებაში მიცემა დაპატიმრებას არ გულისხმობს.

შეგახსენებთ,  რამდენიმე დღის წინ, „ქართული ოცნების“ ახალგაზრდული ფრთის სამი წევრი ზუგდიდის რაიონის სოფელ დიდინეძში იმ დროს სცემეს, როცა ისინი  პარტიულ ფლაერებს არიგებდნენ.  „ოცნების“ წარმომადგენელის ინფორმაციით, მათ არაფხიზელ მდგომარეობაში მყოფი „ნაცმოძრაობის“ აქტივისტები დაუპირისპირდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია მიიჩნევს, რომ პარტიები „ლელო - ძლიერი საქართველო“ და „გახარია საქართველოსთვის“ ოპოზიციურ ალიანსში უნდა მიიღონ

ქართველი მედიკოსები დიუშენის სინდრომის მქონე ბავშვების და მათი მშობლების მხარდასაჭერად ერთიანდებიან

რუბიომ უკრაინის არმია ევროპაში ყველაზე ძლიერ არმიად მოიხსენია

კიევზე რუსეთის დარტყმას 8 ადამიანი ემსხვერპლა, 44 დაშავდა, 20 ადამიანს კი ეძებენ