"საქართველოს პატრიოტთა ალიანსის" საპროტესტო აქციას განათლების მინისტრის მოადგილე ლია გიგაური გამოეხმაურა. ის "პატრიოტთა ალიანსის" წევრებს შეხვდა.

როგორც  გიგაურმა  ჟურნალისტებს  განუცხადა, 24 სექტემბრის შეხვედრა, განათლებისა და მეცნიერების სამინისტროს მიერ ორგანიზებული არ ყოფილა:

"თუ ესწრებოდნენ პედაგოგები და სკოლის დირექტორები, ისინი ნამდვილად იყვნენ მიწვეული აქტივისტების მიერ და არა სამინისტროს, ან რომელიმე სტრუქტურის მიერ. რაც შეეხება მინისტრის ჩართულობას წინასაარჩევნო პროცესს, ის გახლავთ პოლიტიკური თანამდებობის პირი და მას შეუძლია ასეთ შეხვედრებში მონაწილეობა მიიღოს. დამერწმუნეთ, მინისტრისგან არანაირი მოწოდებები არ გაკეთებულა. მან ძალიან   კარგად იცის კანონი და უფლებები. რაც შეეხება "პატრიოტთა ალიანსის" თხოვნას, ის კონკრეტულად ეხებოდა ჩართული პირების სიის გადაცემას. ამ ეტაპზე მიმდინარეობს მოკვლევა, იგივე საკითხზე მუშაობს ცესკო და როცა ეს დოკუმენტები მზად გვექნება, ის საჯარო იქნება",-განაცხადა ლია გიგაურმა.

განათლების სამინისტროსთან "საქართველოს პატრიოტთა ალიანსის" აქცია დასრულდა.

აქციის ორგანიზატორების განაცხადებით, "ქართული ოცნების" მინისტრები და მათ შორის  განათლების მინისტრი,  წინასაარჩევნოდ საკაშვილისა და   შევარდნაძის ნაცად მეთოდებს იყენებს.

კერძოდ, მათივე განმარტებით, განათლების მინისტრი "ქართული ოცნების" მაჟორიტარი დეპუტატობის კანდიდატებს მოსახლეობასთან შეხვედრების დროს დაყვება, რომელშიც  სხვებთან ერთად, მასწავლებლები და სკოლის დირექტორები მონაწილეობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს