2016-09-14 16:33:33, 699 ნახვა
საზოგადოება
გოდერძი თევზაძის მეუღლე საოლქო პროკურატურასთან შიმშილობას იწყებს
სამტრედიის პოლიციის ყოფილი თანამშრომლის გოდერძი თევზაძის მეუღლე ირმა ბოლოთაშვილი დასავლეთ საქართველოს საოლქო პროკურატურასთან შიმშილობას იწყებს, - ამის შესახებ ირმა ბოლოთაშვილმა პროკურატურასთან გამართულ აქციაზე განაცხადა.
როგორც დაკავებულის მეუღლე აცხადებს, თევზაძე უდანაშაულოა და საქმემ პოლიტიკური ელფერი შეიძინა.
"გადავწყვიტე პროტესტის უკიდურეს ზომას მივმართო და შიმშილობა ჯერ პროკურატურასთან დავიწყო და შემდეგ შინაგან საქმეთა სამინისტროსთან გავაგრძელო", - განაცხადა ირმა ბოლოთაშვილმა.
ცნობისთვის, დასავლეთ საქართველოს საოლქო პროკურატურასთან ამ დროისთვის დემური სტურუას თვითმკვლელობამდე მიყვანაში ბრალდებული გოდერძი თევზაძის ახლობლებმა დღეს აქცია გამართეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
