ქობულეთის მუნიციპალიტეტში, სოფელ მუხაესტატეში, განსაკუთრებული საჭიროების მქონე ბავშვებისათვის სპეციალური ცენტრი გაიხსნა. ცენტრის გახნას აჭარის მთავრობის თავმჯდომარის მეუღლე სოფიო ბაკურიძე, აჭარის განათლების, კულტურისა და სპორტის მინისტრის მოადგილე სულიკო თებიძე, ასევე ქობულეთის მუნიციპალიტეტის გამგებელი და სხვა წარმომადგენლები ესწრებოდნენ. ცენტრი ფონდ ,,ღია საზოგადოება - საქართველოს" მხარდაჭერით ქობულეთში აუტისტური სპექტრის აშლილობის ბავშვების წარმატებული აბილიტაციის ხელშეწყობის" პროექტის ფარგლებში გაიხსნა. პროექტის მიზანს ქობულეთის რაიონში აუტიზმის სპექტრის დარღვევის მქონე ბავშვებისთვის სპეციალური ცენტრის ჩამოყალიბებისა და განვითარების ხელშეწყობა წარმოადგენს. ასევე მათი უფლებების ადვოკატირება, აუცილებელი სპეციფიური სერვისის მიღების შესაძლებლობაზე ზრუნვა და ამ სერვისის ხელმისაწვდომობის ზრდა; 

ცენტრმა ფუნქციონირება ამ ეტაპზე სოფელ მუხაესტატეში დაიწყო. განსაკუთრებული საჭიროების მქონე ბავშვეს დისტანციურად 13 ქცევის თერაპევტი ემსახურება. ქობულეთის სერვის ცენტრში სპეციალისტების გარდა მშობლებიც იქნებიან ჩართულები. მოხდება მათი ცოდნის დონის გაზრდა და გამოყენებითი ქცევის ტექნიკის ანალიზის დაუფლება. აღნიშნული გააუმჯობესებს მშობლების ბავშვთან კომუნიკაციას და მისცემს მათ ბავშვთან ეფექტურად მეცადინეობის შესაძლებლობას, რაც ძალიან მნიშვნელოვანია ბავშვებისათვის სწორი პრაქტიკის ხანგრძლივად მიღების თვალსაზრისით.

პროექტში ჩართული არიან საქართველოს აუტიზმის ასოციაციის პრეზიდენტი და აუტიზმის კვლევის და ხელისშეწყობის ფონდის დამფუძნებელი სოფიო კერესელიძე, ასევე ილიას სახელობის უნივერსიტეტთან არსებული ,,ბავშვის განვითარების კლინიკის „ხელმძღვანელი ფსიქოლოგი, ასოცირებული პროფესორი, BCBA - თინათინ ჭინჭარაული და კლინიკის ფსიქოლოგები.

„ძალიან მიხარია, რომ ქობულეთში მცხოვრებ განსაკუთრებული საჭიროების ბავშვებს მიეცათ საშუალება ამ აუცილებელი და საჭირო სერვისის მიღების. მისასალმებელია იმ ხალხის ძალისხმევა, რომელთა ინიციატივითა და ორგანიზებით ეს მოხერხდა. დიდი მადლობა მათ. ვფიქრობ, რომ მთავრობამ, არასამთავრობო სექტორმა, ისევე როგორც თითოეულმა ჩვენთაგანმა მუდმივი მხარდაჭერა უნდა გამოხატონ ასეთი საკითხის მიმართ და ერთად ვიბრძოლოთ უკეთესი მომავლისათვის" - განაცხადა ცენტრის წარმომადგენლებთან შეხვედრისას სოფიო ბაკურიძემ.

დღესვე, აჭარის მთავრობის თავმჯდომარის მეუღლე სოფიო ბაკურიძე ქობულეთის სოფელ წყავროკაში მცხოვრებ შშმ პირს ნინო ნოღაიდელს ესტუმრა. გაცნობითი გახიათის შეხვედრაზე ნინო ნოღაიდელმა სოფიო ბაკურიძეს იმ აუცილებლობებისა და საჭიროებების შესახებ ესაუბრა, რომლის წინაშეც მუნიციპალიტეტში მცხოვრები შშმ პირები დგანან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია