თბილისის საქალაქო სასამართლომ დათა ახალაიასთვის შეფარდებული წინასწარი პატიმრობის განჩინება ძალაში დატოვა.

მოსამართლემ მიიჩნია, რომ არ არსებობს სამართლებრივი საფუძველი, რათა მოხდეს 9 ივლისის გადაწყვეტილების შეცვლა და სანდრო გირგვლიანის საქმეზე, ახალაიასთვის შეფარდებული წინასწარი პატიმრობა შეიცვალოს სხვა ტიპის ღონისძიებით.

დღევანდელ პროცესზე დაგეგმილი იყო ბრალდების მხარის მოწმეების დაკითხვა, რომელიც პროკურორ ლაშა ცქვიტარიას განცხადებით, ამ საქმეზე არიან ბრალდებულები. თუმცა დაცვის მხარის გამოუცხადებლობის გამო დაკითხვა გადაიდო.

კონსტიტუციური უსაფრთხოების დეპარტამენტის ყოფილ უფროსს დათა ახალაიას სანდრო გირგვლიანის საქმეზე რამდენიმე მუხლით აქვს ბრალი წარდგენილი, მათ შორის თავისუფლების უკანონო აღკვეთის ორგანიზების და სამსახურეობრივი უფლებამოსილების გადამეტების მუხლებით.

საქმეზე მომდევნო პროცესი 16 სექტემბერს გაიმართება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიუ-იორკის სასამართლომ ქართველ ნაცისტს ყასაბის სახელით ცნობილ იხეილ ჩხიკვიშვილს 15 წლით თავისუფლების აღკვეთა მიუსაჯა

მარკეტა გრეგოროვა: „იმედმა“ და სხვა პროსამთავრობო არხებმა ევროპარლამენტის წესები დაარღვიეს

ტროტუარზე დგომის საბაბით ბუკა პეტრიაშვილს 3-დღიანი პატიმრობა შეუფარდეს

საქართველოს ბანკისა და UN Women-ის მხარდაჭერით, „ბაზარი ორბელიანზე“ მეწარმე ქალების პროდუქციის გამოფენა-გაყიდვა გაიმართება