"ქართული ოცნება -  დემოკრატიული საქართველოს" ვანისა და  ხონის მაჟორიტარი დეპუტატობის კანდიდატი გრიგოლ ლილუაშვილი  მოსახლეობასთან შეხვედრებს განაგრძობს. კანდიდატი ამჯერად ვანის რაიონში სოფელ  სულორის, ისრითის, ამაღლების, ინაშაურის, საპრასიას, ძულუხისა და დიხაშხოს მცხოვრებლებს შეხვდა. გრიგოლ ლილუაშვილმა განსაკუთრებული ყურადღება  კოოპერატივების შექმნის მნიშვნელობაზე გაამახვილა; მისივე განმარტებით პროგრამის - „დანერგე  მომავალი'' ფარგლებში  ხელისუფლებამ მებაღეებს გაშენებული ნერგების ღირებულების 70% აუნაზღაურა. ამავე  პროგრამის  ფარგლებში ხელისუფლებამ 50%-იანი თანადაფინანსებით სარწყავი სისტემების  დამონტაჟება უზრუნველყო.

„სახელმწიფოს დახმარებით 1500-მდე სასოფლო-სამეურნეო კოოპერატივი ამუშავდა, რის შედეგადაც  სოფლებში  დამატებითი  სამუშაო  ადგილები შეიქმნა. ხელისუფლების   აქტიურმა მუშაობამ პროდუქციის გასაღების ახალი ბაზრები მოიძია; ამის შედეგია ის, რომ ევროკავშირის  ქვეყნებში ქართულ პროდუქციაზე  მოთხოვნა აქტიურად გაიზარდა," - განაცხადა ლილუაშვილმა შეხვედრაზე.

გრიგოლ ლილუაშვილმა სოფელ ამაღლებაში თხილის გადამამუშავებელი ქარხანა  დაათვალიერა. საწარმომ „აწარმოე  საქართველოს" ფარგლებში  იაფი აგრო  სესხის  მიღება შეძლო; ქარხანაში 150-მდე  ადგილობრივია დასაქმებული. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია