2016-08-15 15:12:28, 970 ნახვა
საზოგადოება
სამგორის რაიონში ინფრასტრუქტურული სამუშაოები გრძელდება
სამგორის რაიონში საცხოვრებელი კორპუსების ლიფტების შეკეთების სამუშაოები დასრულდა. დედაქალაქის მერიის ინფორმაციით, თანადაფინანსებული პროექტების პროგრამის ფარგლებში, სამგორის რაიონში, 41 მისამართზე ლიფტის შეკეთების სამუშაოები განხორციელდა.
პროგრამის ფარგლებში ლიფტებში გამოიცვალა: უსაფრთხოების მუხრუჭები, ლიფტის კაბინები, დამონტაჟდა ახალი სარკეები, ლიფტის კარი, მოეწყო ლამინირებული კედლები, ჭერის სანათი მოწყობილობა, კედლები, ღილაკების გაყვანილობა.
პროექტის ღირებულება 298 233 ლარია.
“ვაგრძელებთ ინფრასტრუქტურულ პროექტებს სამგორის რაიონში. 41 მისამართზე დასრულდა საცხოვრებელი კორპუსების ლიფტების შეკეთების სამუშაოები. მიმდინარეობს ყველა იმ პრობლემის გადაწყვეტა, რომელიც მოსახლეობას წლების განმავლობაში აწუხებდა,“- განაცხადა სამგორის რაიონის გამგებელმა გიორგი ბაგრატიონმა.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
