25 ივნისიდან 2 ივლისის ჩათვლით, 64 ქვეყნის 307 სპორტსმენი, ძალოსნობაში მსოფლიოს ახალგაზრდულ ჩემპიონატში,  მედლებისთვის იბრძოლებს. საქართველოს ნაკრები ჩემპიონატზე 12 სპორტსმენით  იქნება წარმოდგენილი.  საქართველოს ახალგაზრდული  ნაკრების მთავარი მწვრთნელი მალხაზ ლომთაძეა. ტურნირი  საქართველოს ძალოსნობის ეროვნული ფედერაციის მიერ არის ორგანიზებული. მხარდამჭერები კი ქალაქ თბილისის მუნიციპალიტეტის მერია და საქართველოს სპორტისა და ახალგაზრდულ საქმეთა სამინისტრო არიან.

ახალგაზრდული ჩემპიონატის საზეიმო გახსნას თბილისის მერი დავით ნარმანია დაესწრო და სპორტსმენებსა და დამსწრე საზოგადოებას სიტყვით მიმართა. დავით ნარმანიას თქმით, დიდი პატივია, რომ მსოფლიოს ახალგაზრდულ ჩემპიონატს ძალოსნობაში 2016 წელს სწორედ თბილისი მასპინძლობს. 

„გასულ წელს ევროპის ჩემპიონატის უმაღლეს დონეზე მასპინძლობის შემდეგ, საქართველოს ძალოსნობის ფედერაციის ძალისხმევით, მოგვეცა შანსი, ამჯერად მსოფლიოს ახალგაზრდულ ჩემპიონატს ვუმასპინძლოთ. ძალოსნობას ჩვენს ქვეყანაში მართლაც რომ დიდი ტრადიციები აქვს. დღეიდან 2 ივლისის ჩათვლით, ჩვენს დედაქალაქში თავს მოიყრიან ახალგაზრდა ძალოსნები მსოფლიოს სხვადასხვა ქვეყნიდან და მათგან საუკეთესო გამოვლინდება.  აღსანიშნავია, რომ მსოფლიო ჩემპიონატის მიმდინარეობისას, თბილისს სხვადასხვა ქვეყნიდან 600-მდე სპორტსმენი და ოფიციალური პირი ეწვევა, რაც  ხელს შეუწყობს, როგორც ჩვენი ქვეყნისა და დედაქალაქის საერთაშორისო ასპარეზზე წარმოჩენას, ასევე, სპორტული ცხოვრების განვითარებას“ - განაცხადა დავით ნარმანიამ.

თბილისის მერმა სპორტსმენებს წარმატებები უსურვა და იმედი გამოთქვა, რომ თბილისში გატარებული დღეები მათთვის დასამახსოვრებელი იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა