2016-06-22 22:31:19, 656 ნახვა
საზოგადოება
გიორგი კვირიკაშვილი ნათელა ჟორდანიას გარდაცვალების გამო მწუხარებას გამოთქვამს
საქართველოს პრემიერ-მინისტრი გიორგი კვირიკაშვილი, საქართველოს პირველი დემოკრატიული რესპუბლიკის მთავრობის თავმჯდომარის, ნოე ჟორდანიას ქალიშვილის ნათელა ჟორდანიას გარდაცვალების გამო მწუხარებას გამოთქვამს.
„მწუხარებას გამოვთქვამ საფრანგეთში ქართული ემიგრაციის ერთ-ერთი თვალსაჩინო წარმომადგენლის, ნოე ჟორდანიას ქალიშვილის, ნათელა ჟორდანიას გარდაცვალების გამო. ნათელა ჟორდანიამ მშობლებთან ერთად სამი წლისამ დატოვა საქართველო, და მიუხედავად ამისა, არასოდეს განელებია სამშობლოს სიყვარული და არ შეუწყვეტია მასზე ზრუნვა. ის მშობლების ღირსეული მემკვიდრე იყო. გულწრფელ სამძიმარს ვუცხადებ ნათელა ჟორდანიას ოჯახსა და ახლობლებს, ქართული ემიგრაციის შთამომავლებს“, - ნათქვამია სამძიმრის წერილში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
