სტატისტიკის ეროვნული სამსახურის მოსახლეობის 2014 წლის აღწერის შედეგად, 10 წლისა და უფროსი  ასაკის მოსახლეობაში  განათლების მიღწეული დონის შესახებ გახდა ცნობილი.

აღწერის შედეგად,  მოსახლეობის 26,7% უმაღლესი განათლების  მქონეა, პროფესიულის-17,4%, სრული ზოგადო განათლების-36,7%.  ზოგადი განათლების  საბაზო საფეხური მიუთითა 8,4%-მა, ხოლო დაწყებითი საფეხური-5,7 პროცენტმა.

განათლების დონის შესახებ მონაცემები განსხვავდება დასახლებების ტიპების მიხედვით. მაგალითად,  უმაღლესი განათლების მქონე  მოსახლეობის 78,0 პროცენტი საქალაქო დასახლებებში ცხოვრობს, ხოლო 22,9 პროცენტი-სასოფლოში. სრული ზოგადი განათლების მქონეთა 47,2 პროცენტი საქალაქო დასახლებებშია, ხოლო 52,8 პროცენტი-სასოფლოში.

საქართველოს მოსახლეობის აღწერა 2014 წლის 5 ნოემბრიდან 19 ნოემბრის ჩათვლით პერიოდში ჩატარდა.

საქსტატის ინფორმაციით, აღწერამ მოიცვა ქვეყნის მთელი ტერიტორიის 82%. აღწერა ვერ ჩატარდა ოკუპირებულ ტერიტორიებზე. აღწერა ჩატარდა ქვეყნის დასახლებების 79%-ში, მოიცვა 71 თვითმმართველი ერთეული და 3724 დასახლება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა