საბურთალოს გამგებელმა საზოგადოებრივ საბჭოებს კვარტალური ანგარიში წარუდგინა

2016-04-22 14:19:18, 560 ნახვა

საზოგადოება

საბურთალოს რაიონის გამგეობის მიერ 2016 წლის პირველ კვარტალში განხორციელებული პროექტებისა და ბიუჯეტის შესრულების შესახებ შემაჯამებელი ანგარიში რაიონის გამგებელმა ბექა მიქაუტაძემ საზოგადოებრივ საბჭოებს წარუდგინა.

თბილისის მერიის ინფორმაციით, ბექა მიქაუტაძემ დეტალურად ისაუბრა

ინფრასტრუქტურულ, სოციალურ, თანადაფინანსებულ, ასევე ნოვატორულ და პილოტ-პროექტებზე. მათივე ინფორმაციით, ანგარიშის წარდგენის შემდეგ შეხვედრა კითხვა-პასუხის რეჟიმში გაგრძელდა.

ბექა მიქაუტაძემ მიმდინარე და დაგეგმილი პროექტებიც მიმოიხილა და განაცხადა, რომ თითოეული მათგანის განხორციელებაში საბჭოების წევრთა ჩართულობა და მონაწილეობა უაღრესად მნიშვნელოვანია.

„ანგარიშვალდებულება და გამჭვირვალობა ის სტანდარტია, რომელიც ჩვენ მოსვლის დღიდან დავამკვიდრეთ და ეს თანამშრომლობა მეტი ინტენსივობით უნდა გავაგრძელოთ,“ - განაცხადა გამგებელმა და მადლობა გადაუხადა სტუმრებს გამგეობის საქმიანობაში აქტიური ჩართულობისათვის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან