გასული წლის ანალოგიურ მაჩვენებელთან შედარებით, 2016 წლის მარტში ფულადი გზავნილების მოცულობა 1.3 %-ით შემცირდა.

საქართველოს ეროვნულმა ბანკმა ქვეყანაში შემოსული ფულადი გზავნილების შესახებ ინფორმაცია გამოაქვეყნა, რომლის თანახმადაც, 2016 წლის მარტში ფულადი გზავნილების ნაკადების მოცულობამ 90.7 მილიონი აშშ დოლარი, ანუ 216.8 მილიონი ლარი შეადგინა, რაც 2015 წლის მარტის ანალოგიურ მაჩვენებელზე 1.3%-ით (1.2 მილიონი აშშ დოლარით) ნაკლებია.

სებ-ის ცნობით, უცხოეთიდან საქართველოში ფულადი გზავნილების 89.4 პროცენტი იმ 11 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ მარტში 1 მლნ აშშ დოლარს გადააჭარბა. იმავე 11 ქვეყანაზე გასული წლის მარტში მთელი ფულადი გზავნილების 89.6 პროცენტი მოდიოდა.

იმ ქვეყნების ხუთეული, საიდანაც საქართველოში 2016 წლის მარტში ყველაზე მეტი ფულადი გზავნილი შემოვიდა, ასე გამოიყურება: რუსეთი (30.0 მლნ აშშ დოლარი), აშშ (10.0 მლნ აშშ დოლარი), საბერძნეთი (9.9 მლნ აშშ დოლარი), იტალია (9.8 მლნ აშშ დოლარი) და თურქეთი (7.4 მლნ აშშ დოლარი).

2016 წლის მარტში საქართველოდან საზღვარგარეთ 16.6 მლნ აშშ დოლარი (39.6 მლნ ლარი) გადაიგზავნა, ნაცვლად 15.0 მლნ აშშ დოლარისა (33.0 მლნ ლარისა) გასული წლის მარტში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან