საქართველოს თავდაცვის მინისტრი თინათინ ხიდაშელი ბათუმში თურქეთის საზღვაო ფლოტის ფრეგატზე „TCG YAVUZ“-ზე გამართულ მიღებას დაესწრო.

თავდაცვის მინისტრთან ერთად თურქულ ფრეგატზე საქართველოს შეიარაღებული ძალების გენერალური შტაბის უფროსის პირველ მოადგილე, პოლკოვნიკი ომარ ბეგოიძე და სამხედრო წვრთნებისა და განათლების სარდალი, პოლკოვნიკი მალხაზ მაკარაძე იმყოფებოდნენ.
 
„მადლობა მინდა ვუთხრა თურქეთის ხელისუფლებას და თავდაცვის სამინისტროს. გემი ბათუმის პორტში ერთ-ერთი წვრთნის ფარგლებში შემოვიდა. ნებისმიერი ასეთი ღონისძიება ჩვენს ქვეყანას უფრო მეტ შესაძლებლობას აძლევს, გააძლიეროს თავდაცვისუნარიანობა და უფრო მეტ მზადყოფნაში ჰყავდეს შესაბამისი პერსონალი“, - განაცხადა თინათინ ხიდაშელმა.

თურქული გემი საქართველოში შავ ზღვაში ყოველწლიური გეგმური სწავლების ფარგლებში შემოვიდა. სწავლებაში საქართველოს სანაპირო დაცვის წარმომადგენლებიც მონაწილეობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ილია თოფურია ჯასტინ გეიჯს - ეს ისტორია ჩვენს შორის შორსაა დასრულებისგან, ჩვენ გვექნება ჩვენი რემატჩი

ტრამპმა განაცხადა, რომ ირანის შემდეგ ის უკრაინაში ომზე „კონცენტრირდება“.

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა