ზაზა სოფრომაძე საყოველთაო ჯანდაცვის მიმიდინარეობის პროცესს გაეცნო

2016-03-15 16:03:31, 608 ნახვა

საზოგადოება

შრომის, ჯანმრთელობისა და სოციალური დაცვის მინისტრის მოადგილემ ზაზა სოფრომაძე საყოველთაო ჯანდაცვის პროგრამის მიმდინარეობის პროცესს ჩაფიძის სახელობის გადაუდებელი კარდიოლოგიის ცენტრში გაეცნო.

სამინისტროს ინფორმაციით, ზაზა სოფრომაძემ კლინიკის ექიმებისა და პაციენტებისგან მოისმინა მომსახურების ხარისხისა და პროგრამის მიმდინარეობის შესახებ.

როგორც კლინიკის სამედიცინო დირექტორმა ზაზა ლაზარიშვილმა განაცხადა, საყოველთაო ჯანდაცვის პროგრამის ფარგლებში გაწეული მომსახურებისთვის ანაზღაურება დროულად ხდება, რამაც კლინიკას განვითარებისა და მომსახურების სპექტრის გაზრდის საშუალება მისცა.

ზაზა სოფრომაძემ გადაუდებელი დახმარებისა და კარდიო-ქირურგიული განყოფილებებიც დაათვალიერა.

2015 წელს საყოველთაო ჯანდაცვის პროგრამით ჩაფიძის კლინიკის მომსახურებით 25000-ზე მეტმა პაციენტმა ისარგებლა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან