უამინდობის გამო, მატარებლების კიდევ რამდენიმე რეისი გაუქმდა. ინფორმაციას საქართველოს რკინიგზა ავრცელებს.

“ძვირფასო მგზავრებო! საქართველოს რკინიგზა გაცნობებთ, რომ უამინდობის გამო, უქმდება საგარეუბნო მატარებლების რამდენიმე რეისი, კერძოდ:

25 თებერვალი - №6418 ხაშური-ზესტაფონი ;

25 თებერვალი - № 6445 ზესტაფონი -ხაშური;

26 თებერვალი - №682/681 ქუთაისი-ბათუმი;

26 თებერვალი - №684/683 ქუთაისი-ბათუმი;

26 თებერვალი - №613/614 ბათუმი-ოზურგეთი;

26 თებერვალი - № 6418/6417 ხაშური-ზესტაფონი;

26 თებერვალი - № 6446/6445 ხაშური-ზესტაფონი;

საქართველოს რკინიგზა ბოდიშს გიხდით შექმნილი დისკომფორტის გამო”, -აღნიშნულია განცხადებაში.

ინფორმაციისთვის, ინტენსიურმა თოვამ დასავლეთ საქართველოში პრობლემები შექმნა. ჩოხატაურის მუნიციპალიტეტის საკრებულოს ოპოზიციონერი წევრის ინფორმაციით, სოფლები მოწყვეტილია გარე სამყაროს და მოსახლეობას დახმარება სჭირდება. აჭარის საავტომობილო გზების დეპარტამენტის ცნობით, ხულოს, შუახევის და ქედის მუნიციპალიტეტების მაღალი ზონის სოფლებში თოვლის საფარი 2 მეტრს აღწევს. ბათუმში უამინდობის გამო საზოგადოებრივი ტრანსპორტი მუშაობას დროებით აჩერებს. ასევე, ნალექმა ხეები დააზიანა, რომლებიც ავტომობილებს დაეცა.

ავტორი: ექსპრესნიუსი,

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს