გლდანის მე-8 დაწესებულებიდან კლინიკა “ვივამედში” გადაყვანილი პატიმარი იოსებ გორგაძე ამ დრომდე უგონო მდგომარეობაში იმყოფება. მისი სიცოცხლის გადასარჩენად მედიკოსები ინტენსიურად იბრძვიან.

“ვივა მედის” კლინიკური დირექტორი ზურაბ ჩხაიძე აღნიშნავს, რომ პატიმარი მართვით სუნთქვაზე იმყოფება.

სპეციალურმა პენიტენციურმა სამსახურმა ოფიციალური განცხადება გაავრცელა, რომლის მიხედვითაც, გორგაძე ციხიდან კლინიკაში ინსულტის  დიაგნოზით გადაიყვანეს.

თუმცა, ამ ვერსიას კატეგორიულად უარყოფს იოსებ გორგაძის ოჯახი. მისი ძმა აცხადებს, რომ პატიმარს ჯანმრთელობის პრობლემები არასოდეს ჰქონია და ის სასიკვდილოდ აწამეს:

“ჩემს ძმას ცხოვრებაში წნევა არ გაუსინჯავს. 46 წლის ისე გახდა, ერთი ტაბლეტიც არდაუყლაპავს. მათი განცხადება სპექტაკლია. მას ჯანმრთელობის არანაირი პრობლემა არჰქონია,” – ამბობს პატიმრის ძმა.

პატიმრის ადვოკატი აცხადებს, რომ 46 წლის მსჯავრდებულს სხეულზე 37 სხვადასხვა სახის დაზიანება აღენიშნება, მათ შორის – სახის ძვლების მოტეხილობები. მისი თქმით, გორგაძეს საკანში სასტიკად გაუსწორდნენ:

“გლდანის დაწესებულება აცხადებს, რომ ის ინსულტის დიაგნოზით გადაიყვანეს, მაგრამ ვივამედში შეყვანისას მას სახის მრავლობითი დაზიანებები აღენიშნებოდა. პრაქტიკულად, არცერთიძვალი არ ჰქონდა მთელი. ცემისა და წამების შედეგად დღეს ის სიცოცხლისთვის იბრძვის. პენიტენციური სამსახურის განცხადება აბსურდულია და რეალური მიზეზების დაფარვასემსახურება,” – აცხადებს ადვოკატი.

იოსებ გორგაძე 2023 წელს ავტოსაგზაო შემთხვევის შემდეგ დააკავეს. შემთხვევა თბილისი-წალკის გზაზე მოხდა, როდესაც მან, ძლიერი ნისლის გამო, შეზღუდული ხილვადობის პირობებში, გაჩერებულ მიკროავტობუსს შეეჯახა. ავარიის შედეგად დაიღუპა “ქართული ოცნების” მხარდამჭერი აქციის ოთხი მონაწილე, რომლებიც წალკიდან თბილისისკენ ბრუნდებოდნენ.

გორგაძის ოჯახის წევრები ეჭვობენ, რომ მასზე ციხეში შურისძიება და ანგარიშსწორება სწორედ ამ ფაქტის გამო დაიგეგმა.

ავტორი: ექსპრესნიუსი,

სოციალური ქსელები

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი

მინისტრების, სახელმწიფო რწმუნებულებისა და მერების მოადგილეებს სახელფასო დანამატისა და ფულადი ჯილდოს მიღების შესაძლებლობა ექნებათ

საქართველოდან უცხო ქვეყნის 74 მოქალაქე გააძევეს