თბილისში, მოძრაობა „დაფიონის“ ლიდერის, ზვიად ცეცხლაძის მხარდასაჭერად საპროტესტო აქცია გაიმართა. ცეცხლაძის ოჯახის წევრები, მეგობრები და მხარდამჭერები თბილისის სახელმწიფო უნივერსიტეტის პირველი კორპუსიდან გმირთა მოედნისკენ გაემართნენ. გმირთა მემორიალთან შეკრებილებმა საქართველოს ჰიმნი შეასრულეს და ხელისუფლებას ზვიად ცეცხლაძისა და სხვა პოლიტპატიმრების გათავისუფლება მოსთხოვეს.

ზვიად ცეცხლაძე, რომელიც თბილისის სახელმწიფო უნივერსიტეტის იურიდიული ფაკულტეტის სტუდენტია, აქტიურად მონაწილეობდა „დაფიონის“ მიერ ორგანიზებულ საპროტესტო აქციებში. მას ბრალად ედება ჯგუფური ძალადობის ორგანიზება და ხელმძღვანელობა, რაც 6-დან 9 წლამდე თავისუფლების აღკვეთას ითვალისწინებს.  

ცეცხლაძის მამამ, ზურაბ ცეცხლაძემ, აღნიშნა: „ზვიადის მთავარი გზავნილია, რომ ამ ქვეყნის ყველა მოქალაქე ვალდებულია, ბრძოლის ავანგარდში ჩაერთოს და ჩვენი ქვეყნისთვის ყველაზე მნიშვნელოვან დროს ქვეყნის მომავლისთვის იბრძოლოს. დღეს ჩვენი ქვეყანა ცუდ გასაყარზეა. ან გვეშველება საბოლოოდ, ან ეს ქვეყანა დაიღუპება. ჩვენ თუ ვერ დავაღწიეთ თავი რუსეთის კლანჭებს, ფაქტობრივად, ამ ქვეყანას მომავალი აღარ აქვს“.

ზვიად ცეცხლაძე და „დაფიონის“ წევრები, პროტესტის ნიშნად ყოველ შაბათს, დილის 9 საათზე, თსუ-თან მიდიოდნენ. ამ დროს იწყებოდა პრემიერ-მინისტრის, ირაკლი კობახიძის ლექცია „საქართველოს საკონსტიტუციო სამართალი“ და ის უნივერსიტეტში მიდიოდა დაცვის თანხლებით. კობახიძის ერთ-ერთ ლექციაზე ზვიად ცეცხლაძემ საქართველოსა და ევროკავშირის დროშებშემოხვეულმა სცადა შესვლა, პრემიერ-მინისტრის დაცვამ ის აუდიტორიაში არ შეუშვა.  

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო