თბილისის საქალაქო სასამართლოში მიმდინარე პროცესზე მსახიობმა ეკა დემეტრაძემ მკაცრად გააკრიტიკა მოსამართლე ირაკლი ხუსკივაძის გადაწყვეტილება, რომელმაც არ დააკმაყოფილა შუამდგომლობა დარბაზის შეცვლის შესახებ. დემეტრაძე პროცესს „ძალადობრივი საპოლიციო რეჟიმის“ გამოვლინებად აფასებს და აღნიშნავს, რომ ის ემსახურება მხოლოდ ერთი ადამიანის, მისი მილიარდების დაცვის ინტერესებს.

„ვხედავთ, ეს არის ძალადობრივი საპოლიციო რეჟიმი, რომელიც ემსახურება მხოლოდ ერთი ადამიანის სურვილებს და მისი მილიარდების დაცვას. ეს ადამიანები არ აცნობიერებენ ამას, მაგრამ მოვა დრო და ისინი ამას აუცილებლად გააცნობიერებენ. დღეს კი, თავად დარბაზიც კი არ შეცვალეს, ამიტომაც, რა მოლოდინი უნდა გვქონდეს? მილიარდების დამცველებს ეშინიათ ხალხის ერთიანობისა და თავისუფლებისთვის მებრძოლი ხალხის,“ - განაცხადა ეკა დემეტრაძემ.

პროცესს ეხმაურება მსახიობი ნანკა კალატოზიშვილიც, რომელმაც სასამართლო გადაწყვეტილებას კიდევ უფრო მკაცრად შეაფასა.

„მურუსიძის სასამართლომ და მურუსიძემ, რამდენი დედა უნდა გაამწაროს? ყოველ წელს და ყოველ მთავრობის დროს! ეს არის ადამიანი, რომელიც ამწარებდა დედებს… სტუდენტები, როგორ შეიძლება, რომ დღევანდელ სასამართლოს მოსამართლეები, რომელთა უმეტესობა მხოლოდ ორი კურსით არის განათლებული, ასამართლებენ? ეს წარმოუდგენელი შარიკოების ქვეყანა ხდება,“ - განაცხადა კალატოზიშვილმა.

ამ ყველაფრის ფონზე, სასამართლოში არსებულ დაძაბულ გარემოში, როგორც კალატოზიშვილი, ისე დემეტრაძე მოუწოდებენ საზოგადოებას, რომ გააცნობიერონ არსებული სისტემური პრობლემა დაგაერთიანდნენ თავისუფლებისათვის.

ავტორი: ექსპრესნიუსი,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო