2023-06-10 11:35:48, 819 ნახვა

---

გენერალურ პროკურატურაში ნაფიც მსაჯულთა სასამართლოს საკითხებზე სტუდენტებთან და მოსწავლეებთან საჯარო ლექცია გაიმართა

საქართველოს გენერალურ პროკურატურაში პროკურორმა ირაკლი ქარდავამ სტუდენტური ორგანიზაცია "ახალგაზრდა კრიმინოლოგთა ჯგუფის“ მოსწავლეებთან და სტუდენტებთან ნაფიც მსაჯულთა სასამართლოს საკითხებზე საჯარო ლექცია ჩაატარა. აღნიშნულის შესახებ ინფორმაციას საქართველოს გენერალური პროკურატურა ავრცელებს.

მათი ცნობით, შეხვედრაზე პროკურორმა ყურადღება ნაფიც მსაჯულთა ინსტიტუტის მნიშვნელობაზე გაამახვილა და საუბარი ნაფიც მსაჯულთა შერჩევის წესსა და ამ მიმართულებით არსებულ გამოწვევებსა და სპეციფიკას შეეხო.

„საჯარო ლექციაზე სისხლის სამართლის საქმეების კონკრეტული მაგალითები განიხილეს, რაზეც შეხვედრის მონაწილეებთან დისკუსიაც გაიმართა.

შეხვედრის ბოლოს, პროკურორმა სტუდენტებსა და მოსწავლეებს საჯარო ლექციაში ჩართულობისთვისა და ნაფიც მსაჯულთა სასამართლოს საკითხებით დაინტერესებისთვის მადლობა გადაუხადა.

საჯარო ლექციაში მონაწილეობა 40-ამდე მოსწავლემ და სტუდენტმა მიიღო. საქართველოს გენერალურ პროკურატურაში მსგავსი შეხვედრები სხვადასხვა თემებზე აქტიურად იმართება“, - აღნიშნულია ინფორმაციაში.

 

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი