საბურთალოს რაიონში, სოფელ დიღომში, მიხეილ ჯავახიშვილის ქუჩაზე საგზაო სამუშაოები მიმდინარეობს. ამის შესახებ ინფორმაციას თბილისის მერია ავრცელებს. 

აღნიშნულ ქუჩაზე მოსახლეობას აქამდე გრუნტიან გზაზე გადაადგილება უწევდა. სამუშაოების ფარგლებში კი,  2 626 კვ.მ ფართობზე  ასფალტის  საფარი დაიგება.

მიმდინარე პროცესს საბურთალოს გამგებელი გაიოზ ვასაძე და მაჟორიტარი დეპუტატი ავთანდილ ცინცაძე გაეცნენ  და მოსახლეობას შეხვდნენ.

„სოფელ დიღმის ქუჩების მოწესრიგება გრძელდება. ამჯერად, ჯავახიშვილის ქუჩაზე დავიწყეთ სამუშაოები, სადაც რთული მდგომარეობა იყო. ამ დრომდე  ასფალტის საფარი არ არსებობდა. პროექტის დასრულების შემდეგ კი, ადგილობრივი მცხოვრებლები კომფორტულად გადაადგილებას შეძლებენ“, - განაცხადა გაიოზ ვასაძემ.

სამუშაოებს კომპანია „L&L ასრულებს, რისთვისაც საბურთალოს გამგეობის ბიუჯეტიდან   250 000  ლარი გამოიყო.

ავტორი: NS (სტატია დაფინანსებულია),

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის