სამგორის რაიონის გამგებელმა, კახა სამხარაძემ საზოგადოებას გამგეობის მიერ ერთი წლის განმავლობაში  შესრულებული საქმიანობის ანგარიში წარუდგინა.

როგორც პრეზენტაციაზე კახა სამხარაძემ აღნიშნა, 2022 წელს სამგორის რაიონში მნიშვნელოვანი  ინფრასტრუქტურული პროექტები განხორციელდა. 

კერძოდ, საგზაო ინფრასტრუქტურა 85 723 კვ.მ ფართობზე მოწესრიგდა, რისთვისაც გამგეობის ბიუჯეტიდან 7 205 000 ლარი გამოიყო.  ასფალტის საფარი დაიგო ისეთ ქუჩებზე, სადაც საგზაო ინფრასტრუქტურა ათწლეულების განმავლობაში არ რეაბილიტირებულა; მოეწყო სკვერები, სპორტული მოედნები, ფიტნეს ზონები,  კაპიტალური გამაგრება ჩაუტარდა საცხოვრებელ კორპუსებს სხვადასხვა მისამართზე. 14 მისამართზე მოეწყო/რეაბილიტირდა მიწისქვეშა კომუნიკაციები. 

ჯანსაღი ცხოვრების წესის ხელშეწყობის მიზნით, მოეწყო და რეაბილიტირდა თანამედროვე სტანდარტების შესაბამისი 9 სპორტული მოედანი; 

„ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, 250 პროექტი დაფინანსდა; კაპიტალურად გამაგრდა 4 ავარიული საცხოვრებელი სახლი;

69 მისამართზე სახლის სახურავი შეიცვალა; წყალარინების ქსელის რეაბილიტაცია 30 მისამართზე ჩატარდა; რეაბილიტირდა და განახლდა 43 ლიფტი. 

ადგილობრივი ახალგაზრდების ჩართულობით, გაიმართა სხვადასხვა ტიპის კულტურული, სპორტული და საგანმანათლებლო  ღონისძიებები. 

ერთი წლის განმავლობაში განხორციელებული პროექტებისთვის სამგორის რაიონის გამგეობის ბიუჯეტიდან ჯამში, 36 019 045  ლარი დაიხარჯა.

პრეზენტაციას თბილისის მთავრობის წევრები, დედაქალაქის საკრებულოს წარმომადგენლები და სამგორის რაიონის მაჟორიტარი დეპუტატები დაესწრნენ.

ავტორი: NS (სტატია დაფინანსებულია),

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს