მე პასუხისმგებლობა ღმერთისგან უკვე მაქვს სიცოცხლის ბოლომდე,- ამის შესახებ „გრინსერვის პლუსის“ დირექტორმა, ლაშა ფურცხვანიძემ, ვაკის პარკში მომხდარ ტრაგედიასთან დაკავშირებით,  გამოკითხვის დასრულების შემდეგ განაცხადა.

კითხვაზე, თუ რატომ იყო 22 ვოლტიან კვების ბლოკი დამონტაჟებული შადრევანში, ფურცხვანიძე პასუხობს, რომ - "ყველგან არის დამონტაჟებული - რიყის შადრევანზე მიდით და გადაიღეთ, იტალიელების მოწყობილია". 

მისი თქმოთ, გამოძიება გრძელდება და გამოკითხვაზე ისევ დაიბარებენ. 

„საგამოძიებო სამუშაოები მიმდინარეობს, დანარჩენს ვერ გეტყვით, კითხეთ გამოძიებას.

ელექტროობა შემოწმებული იყო, დაინსტალირების დროსაც და მერეც იყო შემოწმებული. მე პასუხისმგებლობა ღმერთისგან უკვე მაქვს სიცოცხლის ბოლომდე, ამიერიდან რა პასუხისმგებლობა იქნება ეგ სიმართლე რომ გითხრათ, ნამდვილად არ მაინტერესებს. სავარაუდოდ, კიდევ დამიბარებენ“,- განაცხადა ფურცხავნიძემ.

შეგახსენებთ, რომ 13 ოქტომბერს, ახლად გახსნილ ვაკის პარკის მრგვალ შადრევანში სკოლის 3 მოსწავლე ჩავარდა. როგორც თვითმხილველები ჰყვებიან, მერვე კლასელ გოგონას თამაშის დროს ბურთი შადრევანში ჩაუვარდა, რომლის ამოღების მცდელობისას, დენმა დაარტყა. ექიმებმა 13 წლის გოგონას გადარჩენა ვერ შეძლეს. მძიმე იყო მისი ორი თანატოლის მდგომარეობაც, თუმცა მოზარდებმა კლინიკა უკვე დატოვეს.

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს