2022-08-16 10:47:04, 1354 ნახვა

---

60 წლისა და 60 წელს გადაცილებულ პირებს თბილისის მერია აუზზე ცურვისა და ფიტნეს დარბაზის მომსახურებას დაუფინანსებს

60 წლისა და 60 წელს გადაცილებულ პირებს თბილისის მერია აუზზე ცურვისა და ფიტნეს დარბაზის მომსახურებას დაუფინანსებს.

სპორტი უფროსი თაობისთვის პროგრამის შესახებ დადგენილება 9 აგვისტოს არის გამოცემული და ძალაში იმავე დღეს შევიდა. 

„მოსარგებლეებს ქვეპროგრამაში ჩართვის შემდეგ დაუფინანსდებათ აუზზე ცურვის ან/და ფიტნეს დარბაზის 1-საათიანი ხანგრძლივობის მომსახურება. მომსახურება მოიცავს  თვეში არაუმეტეს 9 ვიზიტს.

მოსარგებლეებს მომსახურების მიღება შეუძლიათ 11:00 საათიდან 14:00 საათამდე პერიოდში",- აღნიშნულია დადგენილებაში.

ამასთან, თბილისის მუნიციპალიტეტის ბიუჯეტის ქვეპროგრამის „სპორტი უფროსი თაობისთვის“ თანახმად, თვეში დაფინანსდება არაუმეტეს 300 ადამიანი.

მოსარგებლეებს საცურაო აუზის ან ფიტნეს დარბაზის თავისუფალი არჩევის საშუალება აქვთ.

 

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი