„პრემიერ-მინისტრის ინიციატივით, 2024 წლის ბოლომდე, 13 000 დევნილი ოჯახი სრულად დაკმაყოფილდება საცხოვრებელი ფართით“, - განაცხადა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ტელეკომპანია „იმედის“ ეთერში. 

ზურაბ აზარაშვილის თქმით, დაახლოებით, 6 000 დევნილი ოჯახი ჩაერთვება პროგრამაში „სოფლად სახლი“. პროექტის ფარგლებში, საქართველოს ნებისმიერ რეგიონში, ბენეფიციარები თავად შეარჩევენ სახლებს, რომლებსაც დევნილთა, ეკომიგრანტთა და საარსებო წყაროებით უზრუნველყოფის სააგენტო შეუსყიდის. 

„დანარჩენი 7000-მდე დევნილი ოჯახისთვის, საქართველოს 5 ქალაქში, აშენდება საცხოვრებელი ბინები. პროექტის საერთო ბიუჯეტი 700 მილიონ ლარზე მეტია. მშენებლობები უახლოეს მომავალში დაიწყება და 2024 წლის ბოლომდე ეს ოჯახებიც სრულად დაკმაყოფილებულები იქნებიან საცხოვრებელი ფართებით“, - აღნიშნა მინისტრმა. 

ზურაბ აზარაშვილმა პრემიერ-მინისტრის კიდევ ერთ ინიციატივაზე, სოციალურად დაუცველი ბავშვებისთვის გაზრდილ დახმარებაზე ისაუბრა.  მისი თქმით, 2023 წლის იანვრამდე, ეს თანხა, ეტაპობრივად, 200 ლარამდე გაიზრდება. 

აღსანიშნავია, რომ სოციალურად დაუცველი ბავშვების დახმარება, პირველად, 2021 წელს, 50-დან 100 ლარამდე გაიზარდა.  მიმდინარე წლის ივნისში, მას კიდევ 50 ლარი დაემატება  და 150 ლარი გახდება. 2023 წლის იანვრიდან კი 200 ლარი იქნება. 

„ვფიქრობთ, ეს არის ის მინიმუმი, რომლითაც ბავშვები უზრუნველყოფილი იქნებიან კვებითა და საცხოვრებელი პირობებით. საერთო ჯამში, სოციალურად დაუცველი ბავშვების დახმარებისთვის, ბიუჯეტიდან, 500 მილიონი ლარი გამოიყოფა“, - განაცხადა ზურაბ აზარაშვილმა.

ავტორი: NS (სტატია დაფინანსებულია),

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა