ამერიკული საბანკო ჰოლდინგის Morgan Stanley-ის ანალიტიკოსები რუსეთის დეფოლტს აპრილის შუა რიცხვებში პროგნოზირებენ. ამის შესახებ სტრატეგიული კომუნიკაციებისა და ინფორმაციული უსაფრთხოების ცენტრი ფეისბუქზე იუწყება.

რუსეთის საგარეო ვალის დაფარვის შანსები მცირდება ობლიგაციების ფასების დაცემის, ქვეყანაში მოსალოდნელი რეცესიის და უკრაინაში შეჭრის შემდეგ გადახდებზე სხვადასხვა შეზღუდვების დაგროვების გამო.

"ჩვენ განვიხილავთ დეფოლტს, როგორც ყველაზე სავარაუდო სცენარს", - თქვა სიმონ უევერმა, განვითარებადი ბაზრების გლობალური ხელმძღვანელმა.

პროგნოზების თანახმად, დეფოლტი შეიძლება მოხდეს უკვე 15 აპრილს, ანუ 30-დღიანი საშეღავათო პერიოდის გასვლის შემდეგ კუპონის გადახდებზე, რომელიც რუსეთის მთავრობამ უნდა გადაიხადოს 2023 და 2043 წლებში დამწიფებულ დოლარის ობლიგაციებზე.

Moody's-მა რუსეთის ფედერაციის სუვერენული საკრედიტო რეიტინგი B3-დან Ca-მდე შეცვალა - ახლა რუსეთის ფედერაციას დეფოლტამდე მხოლოდ ერთი ნაბიჯი აშორებს.

რეიტინგის დაქვეითება გამოწვეულია რუსეთის ცენტრალური ბანკის რეზერვებზე კონტროლის დაკარგვით, რაც შეზღუდავს ტრანსსასაზღვრო გადახდებს, კერძოდ, სახელმწიფო ობლიგაციებზე ვალების მომსახურებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება