მელიქიშვილისა და ჯანაშიას ქუჩების კვეთაზე განთავსებული დაზიანებული პანო აღდგენილია. - ინფორმაციას თბილისის მერია ავრცელებს.

როგორც თბილისის მერმა კახა კალაძემ დღეს დედაქალაქის მთავრობის სხდომაზე განაცხადა, რამდენიმეთვიანი სამუშაოების შემდეგ, აღნიშნული პანო განახლებული სახით, კვლავ ამშვენებს ქალაქის ცენტრს.

სხდომაზე დედაქალაქის მერმა ფოტო-მასალაც წარადგინა, თუ რა მდგომარეობაში იყო პანო სამუშაოების დაწყებამდე და როგორ გამოიყურება ის დღეს.

„მიმდინარე წელს, მელიქიშვილისა და ჯანაშიას ქუჩების კვეთაზე განთავსებული დაზიანებული პანოს აღდგენა მის ავტორთან,  მალხაზ გორგაძესთან თანამშრომლობით დავიწყეთ. პანო მართლაც მძიმე მდგომარეობაში იყო, ილიას სიტყვები აღარ იკითხებოდა. სხვათა შორის, ადგილობრივი მოსახლეობის თხოვნაც იყო, რომ ის მოწესრიგებულიყო. სამუშაოები დასრულებულია და დღეს აღნიშნული პანო ყოველმხრივ განახლებულია“, - განაცხადა კახა კალაძემ.

თბილისის მერმა თანამშრომლობისთვის  მადლობა გადაუხადა, როგორც ადგილობრივ მოსახლეობას და პროექტის განხორციელებაში ჩართულ მოქალაქეებს, ისე პანოს ავტორს, მალხაზ გორგაძეს.

ავტორი: NS (სტატია დაფინანსებულია),

სოციალური ქსელები

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას

ირაკლი კირცხალია - გარე ინტერესებს არაერთი ადამიანი ემსახურება, ამის მაგალითია იმ ე.წ. კულტურის მოღვაწეების სია, მათ შორის არიან სუხიშვილები, ნიკოლოზ რაჭველი და პაატა ბურჭულაძე

სამართალდამცველებმა ქურდობის ბრალდებით უცხო ქვეყნის ორი მოქალაქე დააკავეს