ჯანდაცვის მინისტრი ეკატერინე ტიკარაძე აცხადებს, რომ სამშაბათს, 7 დეკემბერს საკოორდინაციო საბჭო დამატებით ღონისძიებებს მიიღებს, მათ შორის, არ გამორიცხავს უვადო კოვიდ პასპორტის საკითხის გადახედვასაც.

საზოგადოებრივ მაუწყებელთან ინტერვიუში მინისტრი აღნიშნავს, რომ კოვიდსაბჭომ იმსჯელა, რომელი ტიპის და რა ვადიანი ტესტირება იქნება ხელსაყრელი ახალი შტამის პირობებში. მისი თქმით, მომდევნო საბჭოზე ტესტირების საკითხსაც განიხილავენ:

"გუშინ შეიკრიბა კოვიდსაბჭო, რომელიც მოქმედებს ჯანდაცვის სამინისტროში. ტესტირებასთან მიმართბით ვიმსჯელეთ, თუ რომელი ტესტირება იქნებოდა ახალი შტამის პირობებში მეტად ეფექტიანი. დავრჩებით სწრაფ ტესტებზე თუ მხოლოდ პისიარ ტესტი იქნება მისაღები იმისათვის რომ ადამიანი იქნეს მწვანედ აღიარებული.

ტესტირების ვადებზე იყო საუბარი, რადგან მსოფლიოში უკვე საუბრობენ იმაზე რომ 72 საათიანი ვალიდურობა არ იყოს საკმარისი ახალი შტამის შემთხვევაში და ეს დრო იქნეს დათქმული 48 საათად. ჩვენი პროფესიონალები და ექსპერტები მოამზადებენ დასკვნას, რომელსაც სამშაბათს წარვადგენთ საბჭოზე და მივიღებთ დამატებით ღონისძიებებს. მე არ გამოვრიცხავ, მნიშვნელოვნად გამკაცრდეს ყველა ის ღონისძიება რომელიც შეეხება მწვანე პასპოტს. შეიძლევა ვადაც გადაიხედოს, ვინაიდან სამეცნიერო პრაქტიკაზე დაყრდნობით, კოვიდის შემთხვევაში ეს სამეცნიერო პრაქტიკა მოკლე ვადებში გვიწევს რომ დავადგინოთ, რიგ შემთხვევაში ის ცდომილებებს მოიცავს. სამეცნიერო პრაქტიკაში გარკვეულ რისკებს ვხედავთ რომ ეს იყოს უვადო. ჩვენ წარვადგენთ საბჭოზე ამ რისკებს და იმედს ვიტოვებთ საბჭო გაითვალისწინებს", - თქვა ეკატერინე ტიკარაძემ.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა