საქართველოსა და გერმანიის ფედერაციულ რესპუბლიკას შორის განვითარების სფეროში სამთავრობო  მოლაპარაკებების ფარგლებში ხელი მოეწერა მოლაპარაკებების ოქმს. 

უწყების ცნობით, ფინანსთა მინისტრის მოადგილემ, ეკატერინე გუნცაძემ და გერმანიის ფედერაციული რესპუბლიკის ეკონომიკური თანამშრომლობისა და განვითარების სამინისტროს, სამხრეთ-აღმოსავლეთ და აღმოსავლეთ ევროპის, სამხრეთ კავკასიის სამმართველოს ხელმძღვანელმა, სანტიაგო ალონსო როდრიგესმა ხელი მოაწერეს განვითარების სფეროში თანამშრომლობის შესახებ მოლაპარაკებების ოქმს.
 
გერმანიის ფედერაციული რესპუბლიკის სამომავლო მხარდაჭერა გათვალისწინებულია განვითარების ისეთი მიმართულებებისთვის, როგორიცაა პროფესიული განათლება, კერძო სექტორის მხარდაჭერა, ენერგეტიკა და ენერგოეფექტურობა, მდგრადი ურბანული განვითარება, ასევე, კარგი მმართველობა.
გერმანიის ფედერაციული რესპუბლიკა და საქართველო განვითარების სფეროში თითქმის 30 წელია, თანამშრომლობენ.  მხოლოდ ფინანსური თანამშრომლობის ფარგლებში, გერმანიის ფედერაციული რესპუბლიკის  მხარდაჭერამ, ჯამურად, დაახლოებით 1.3 მილიარდი ევრო შეადგინა.

ავტორი: NS (სტატია დაფინანსებულია),

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს