აჭარის ჯანდაცვის სამინისტროს ინფომაციით, აჭარაში სოფლად ვაქცინაციის პროცესი აქტიურად მიმდინარეობს

მათივე ცნობით, მიუხედავად იმისა, რომ ქალაქ ბათუმში აცრილთა რაოდენობა სამიზნე მაჩვენებელს გაცდა, რეგიონის მუნიციპალიტეტებში იმუნიზაციის პროცესის კიდევ უფრო გასააქტიურებლად და წლის ბოლომდე სამიზნე მაჩვენებლის მოცვის მიზნით, სოფლის სამედიცინო ცენტრებში სოფლის ექიმების მიერ ადმინისტრირდება როგორც ფაიზერის, ასევე სინოფარმისა და სინოვაკის ვაქცინები. ადგილობრივებს შესაძლებლობა აქვთ სოფლიდან გაუსვლელად მიიღონ სერვისი, ხოლო მწოლიარე პაციენტებმა სასურველი ვაქცინით ბინაზე ჩაიტარონ ვაქცინაცია.

"კოვიდსაწინააღმდეგო იმუნიზაცია დღეს ქედის მუნიციპალიტეტის პირველადი ჯანდაცვის ცენტრებსა და თემის სამედიცინო პუნქტებში აქტიურად მიმდინარეობდა. სოფლად ვაქცინაციის მიზანია რეგიონის ყველა მუნიციპალიტეტში კოვიდსაწინააღმდეგო ვაქცინაციის ტემპის კიდევ უფრო გაზრდა, რომელიც ქობულეთის, ხელვაჩაურის, ქედის, შუახევისა და ხულოს ადგილობრივი თვითმმართველობების მხარდაჭერით ხორციელდება.

პარალელურად აჭარის 5 სოფელია ჩართული ვაქცინაციის მარათონში - დაბა ჩაქვი, ოჩხამური, ზამლეთი, სხალთა და დიოკნისი. აღნიშნული სოფლები მოსახლეობის რაოდენობის მიხედვით იქნა შერჩეული.

ამ დროისთვის, აჭარაში სულ 212 956 ვაქცინაა ადმინისტრირებული. მათ შორის I დოზა - მოზრდილი მოსახლეობის 41.5 %, II დოზა- მოზრდილი მოსახლეობის 37.2 % , ხოლო სამიზნე ჯგუფის - 62 %." -ნათქვამია განცხადებაში.

ავტორი: NS (სტატია დაფინანსებულია),

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს