ჯანდაცვის მინისტრის მოადგილის განცხადებით, ქვეყანაში ვაქცინების მარაგი შეუზღუდავია და ვაქცინაციის გეგმის შესასრულების სამიზნე აბსოლუტურად რეალისტურია.

მისი თქმით, მღელვარება ვაქცინების ვადებთან დაკავშირებით საფუძველს მოკლებულია და ამერიკის წამლისა და კვების სააგენტოს ცნობის შესაბამისად "ფაიზერის" ვაქცინებს შენახვის ვადა დამატებით კიდევ 3 თვე აქვს.

"ვაქცინაციის გეგმის სამიზნე იყო 60% მოზრდილი მოსახლეობის, რაც ჯამურად ნიშნავს მინუს 700 000 მოქალაქეს. ჩვენ ცოტა გვაქვს დარჩენილი მილიონი მოქალაქის მოცვამდე, რაც არის რა თქმა უნდა, ოდნავ მეტი ვიდრე ნახევარი ამ შესრულების. რეალისტურად ის ვადები, რომელიც დარჩენილია ვფიქრობ არის საკმაოდ კარგი ვადები ამ სამიზნის შესასრულებლად, მაგრამ აუცილებელი იქნება მეტი აქტივობა, გასვლითი ღონისძიებები, მობილური ბრიგადების აქტიური გამოყენება და ასევე საგანმანათლებლო კამპანიის გააქტიურება, რასაც ჩვენ გავაკეთებთ.

კარგია, ის რომ ვაქცინების მარაგი ქვეყანაში არის შეუზღუდავი, იყო გარკვეული მღელვარება ვადებთან დაკავშირებით, რაც აბსოლუტურად საფუძველს მოკლებულია, "ფაიზერის" მარაგი, რომელიც ქვეყანაში არის, მის ნაწილს ვადა აქვს დღევანდელი მდგომარეობით ნოემბრის ბოლომდე და ნაწილს დეკემბრის ბოლომდე და ვფიქრობთ, ნელი ტემპითაც რომ გაგრძელდეს ვაქცინაცია ჩვენ მის ათვისებას აუცილებლად შევძლებთ, თუმცა ასევე მინდა ავღნიშნო, რომ ამერიკის წამლისა და კვების სააგენტომ რამოდენიმე ხნის წინ გამოსცა ახალი რეგულაციები, რომლის შესაბამისად "ფაიზერის" ვაქცინებს, თუ მათი შენახვა ხდებოდა -90 / -60 პირობებში დამატებით კიდევ 3 თვე აქვს მოქმედების ვადა." - განაცხადა თამარ გაბუნიამ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს