უკვე მეხუთე წელია შპს „თბილსერვის ჯგუფის“ თანამშრომლები 20 სექტემბერს პროფესიულ დღეს აღნიშნავენ. წლევანდელი პროფესიული დღე „თბილსერვისის“ დასუფთავების დეპარტამენტის თანამშრომლებს თბილისის მერმა კახა კალაძემ მიულოცა.

დედაქალაქის მერმა მოადგილე ანდრია ბასილაიასა და „თბილსერვის ჯგუფის“ ხელმძღვანელ რომეო მიქაუტაძესთან ერთად, დასუფთავების დეპარტამენტის 24 თანამშრომელს მთელი წლის განმავლობაში კეთილსინდისიერი მუშაობისთვის მადლობის სიგელები და სიმბოლური საჩუქრები გადასცა.

„დღეს „თბილსერვისის“ თანამშრომლებს პროფესიული დღე მივულოცეთ. მინდა, ამ ადამიანებს დიდი მადლობა გადავუხადო იმ შრომისა და საქმიანობისთვის, რასაც ჩვენი ქალაქისთვის აკეთებენ, რომ დედაქალაქი ყოველთვის იყოს მოწესრიგებული და სუფთა.  ამ ყველაფერში მათი ძალიან დიდი შრომაა ჩადებული. დიდი მადლობა მათ ქალაქის სიყვარულისთვის და იმისთვის, რასაც აკეთებენ“, - განახადა კახა კალაძემ.

„თბილსერვის ჯგუფის“ ხელმძღვანელმა კი აღნიშნა, რომ თანამშრომლებისთვის შრომის პირობების გაუმჯობესების მიზნით მიცემული დაპირებების შესრულება აქტიურ რეჟიმში, ეტაპობრივად მიმდინარეობს. 

„ვულოცავ ჩვენს თანამშრომლებს პროფესიულ დღეს.  მადლობას ვუხდი მათ შრომისთვის და ვუსურვებ ჯანმრთელობასა და კეთილდღეობას. რაც შეეხება თანამშრომელთა შრომის პირობებს, სპეციალური ფორმების დარიგება, როგორც ეს ნათქვამი გვქონდა, 10 სექტემბრიდან უკვე დაიწყო და თვის ბოლომდე დასრულდება. ასევე, სპეცტექნიკის შესაძენად ტენდერიც დასრულდებულია და გამოვლენილია გამარჯვებული, რომელიც მომდევნო წლის მეორე ნახევრიდან 74 ერთეულ სხვადასხვა ზომისა და ფუნქციის დასუფთავების სპეციალიზებულ ტექნიკას შემოიყვანს“, - განაცხადა რომეო მიქაუტაძემ. 

დაჯილდოების გარდა, კახა კალაძემ „თბილსერვის ჯგუფის“ იუბილარ თანამშრომლებს დაბადების დღე მიულოცა. 

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს