ინფორმაციის თავისუფლების განვითარების ინსტიტუტი (IDFI) 13 სექტემბერს ინტერნეტ სირცეში სახელმწიფო უსაფრთხოების სამსახურის მიერ ფარულ თვალთვალთან დაკავშირებით გავრცელებულ ინფორმაციაზე განცხადებას ავრცელებს.

ორგანიზაციაში აცხადებენ, რომ მასალების შესწავლის შემდეგ, გამოიკვეთა შემდეგი, რომ გავრცელებული მასალა, სავარაუდოდ, 2014-21 წლებშია შექმნილი, რომელიც განსაკუთრებით სენსიტიურ ინფორმაციას შეიცავს. ამასთანავე, მასალები მაღალი ალბათობით, არ არის ფალსიფიცირებული და დამუშავებულია სუს-ის მიერ.

IDFI-ის დაკვირვების შედეგად, გავრცელებული მასალების ნაწილი სავარაუდოდ მოპოვებულია უკანონოდ და მიუთითებს უკანონო მიყურადების სისტემურობაზე.

ორგანიზაცია მოუწოდებს საქართველოს პროკურატურას,  სასწრაფო წესით გამოიკვლიოს გავრცელებული მასალების ავთენტურობა და საზოგადოებას დაუყოვნებლივ მიაწოდოს ინფორმაცია, ამასთანავე, მასალების ავთენტურობის დადასტურების შემთხვევაში გამოიყენოს საერთაშორისო თანამშრომლობის მექანიზმები და უზრუნველყოს გავრცელებული მასალების წაშლა/წვდომის შეზღუდვა.

გარდა ამისა, ორგანიზაცია მოუწოდებს უწყებას, გამოძიების პროცესში უზრუნველყოს საქართველოს სახალხო დამცველისა და სახელმწიფო ინსპექტორის ჩართულობა.

IDFI მიმართავს საქართველოს საკანონმდებლო ორგანოსაც და მოუწოდებს, დაუყოვნებლივ შექმნას საგამოძიებო კომისია. კომისიამ უნდა შეისწავლოს სახელმწიფო უსაფრთხოების სამსახურის მიერ სავარაუდო სისტემური თვალთვალის კანონირებისა და მასში მაღალი თანამდებობის პირთა ჩართულობის საკითხი.

ორგანიზაცია მედია ორგანიზაციებსა და ჟურალისტებს მოუწოდებს, გავრცელებული მასალები გააშუქონ  ჟურნალისტური ეთიკის პრინციპების სრული დაცვით. მასალები უნდა გავრცელდეს მხოლოდ იმ მოცულობით, რასაც ღირებული საჯარო ინტერესი მოითხოვს. გაშუქებისას დაცულ უნდა იქნეს ადამიანთა პირადი ცხოვრების უფლება.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს