გლდანის რაიონში, შეშელიძის ქუჩის მიმდებარედ, დამეწყრილი უბანი  გამაგრდა. პროექტის ფარგლებში,  აღნიშნულ ტერიტორიაზე მოეწყო  ხიმინჯოვანი საყრდენი კედელი, ხოლო მეწყრის სტაბილიზაცია მიღწეულია ანკერების, რკინა-ბეტონის ბადეებისა და გრუნტის ცემენტის საშუალებით.

შესრულებული სამუშაოების შედეგს, დღეს, დედაქალაქის მერი კახა კალაძე გაეცნო.

„ეს იყო მეწყერსაშიში ზონა და ძალიან მნიშვნელოვანი იყო ამ პროექტის განხორციელება. მდგომარეობა ძალიან მძიმე იყო, განსაკუთრებით, იმ ოჯახებისთვის, ვინც ზემოთ, 16-სართულიან კორპუსებში ცხოვრობდა, რადგან უკვე დაძრული იყო მიწა. ასევე, პრობლემას წარმოადგენდა ქვემოთ მომუშავე ადამიანებისთვის და ვინც ამ საავტომობილო გზით სარგებლობს. მიწა, ფაქტობრივად, საავტომობილო გზაზე იყო ჩამოსული. ამ პროექტის შედეგად, რომელიც 21 მილიონი ლარი დაჯდა, საფრთხე მთლიანად არის შეჩერებული. ხედავთ, რა მასშტაბის სამუშაოებია წარმოებული. ასევე, დაყენებულია მონიტორინგის სისტემა და კომპანია ვალდებულია, მომდევნო ხუთი წლის განმავლობაში დააკვირდეს ამ ტერიტორიას, რომ რაიმე გადაადგილება არ იყოს. გარდა ამისა, ამ სივრცეში, რაც შეიქმნა, მოეწყობა სპორტული მოედანი, აქაურობა გამწვანდება და ადგილობრივებს შესაძლებლობა ექნებათ, ისარგებლონ  აღნიშნული მოედნით“, - განაცხადა კახა კალაძემ.

პროექტის ფარგლებში ასევე მოეწყო ე.წ. ფრანგული კედელი, ხოლო დამეწყრილი ფერდობი ტერასებად დაიყო.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს