დასუფთავების მსოფლიო დღეს საქართველო დასუფთავების სამდღიანი კამპანიით აღნიშნავს. პროექტის „დავიცვათ საქართველოს სისუფთავე“ ფარგლებში, 17-19 სექტემბერს, მთელი ქვეყნის მასშტაბით, დასუფთავების აქციები გაიმართება.

„ჩვენ ხშირად ვსაუბრობთ სხვადასხვა გარემოსდაცვით საკითხზე. ამ მიმართულებით, დღევანდელი მსოფლიოს  ერთ-ერთი მთავარი პრიორიტეტი ნარჩენების სწორი მართვაა. საზოგადოებამ უნდა იცოდეს იმ უარყოფითი შედეგებისა და საფრთხეების  შესახებ, რისი გამოწვევაც შეუძლია საყოფაცხოვრებო თუ სხვა ტიპის, მათ შორის სახიფათო ნარჩენების გარემოში მოხვედრას. აუცილებელია, თითოეულმა ჩვენგანმა გავითავისოთ პასუხისმგებლობა ჩვენი საარსებო გარემოს წინაშე“, - განაცხადა გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა დასუფთავების მსოფლიო დღესთან დაკავშირებით  გამართულ პრესკონფერენციაზე.

პრესკონფერენციაზე სიტყვით გამოვიდნენ შვედეთის განვითარების სააგენტოს ხელმძღვანელი ერიკ ილლესი და „საქართველოს მწვანეთა მოძრაობა/დედამიწის მეგობრები საქართველოს” თავმჯდომარე ნინო ჩხობაძე.

„შვედეთი მუშაობს საქართველოს მთავრობასთან და საზოგადოებასთან ერთად, რათა გააუმჯობესოს საქართველოში ნარჩენების მართვის სისტემა. მე ვფიქრობ, ეს არის საქართველოს კამპანიის მიზანი, რაც ამავდროულად შეადგენს გლობალური კამპანიის ნაწილსაც, რომ შეძლოს და აამაღლოს ცნობიერება ნარჩენების შემცირების, ხელახალი გამოყენების და გადამუშავების კუთხით“, - განაცხადა ერიკ ილლესმა.

“დასუფთავების მსოფლიო დღის აღნიშვნა უკვე ტრადიციად ჩამოვაყალიბეთ და წელსაც კოვიდ რეგულაციების დაცვით საქართველოს ყველა მუნიციპალიტეტში ჩატარდება დასუფთავების აქციები”-განაცხადა ნინო ჩხობაძე.

დასუფთავების საერთაშორისო დღე და მისი აღნიშვნა მიზნად ისახავს მსოფლიო მოსახლეობის ცნობიერების ამაღლებას ნარჩენების მართვის სისტემის გაუმჯობესებისა და მისი კლიმატის ცვლილების პროცესზე ზეგავლენის მნიშვნელობაზე.

საერთაშორისო კამპანია 1993 წელს, გაეროს გარემოსდაცვითი პროგრამის (UNEP) ინიციატივით დაფუძნდა  და მასში 133 ქვეყანაა ჩართული. 

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს