შინაგან საქმეთა სამინისტროს საგანგებო სიტუაციების მართვის სამსახურის უფროსი - თეიმურაზ მღებრიშვილი საქართველოში ოფიციალური ვიზიტით მყოფ, თურქეთის რესპუბლიკაში პარაგვაის რესპუბლიკის ელჩს - სეფერინო ვალდეს პერალტას შეხვდა. პარაგვაის ელჩი თურქეთიდან ამიერკავკასიის რეგიონს და მათ შორის საქართველოს ფარავს.

შეხვედრის მიზანი ორ სახელმწიფოს შორის არსებული საუკეთესო გამოცდილების გაზიარება და სამომავლო თანამშრომლობის პერსპექტივების დასახვა იყო.

გაცნობითი ხასიათის შეხვედრისას, თეიმურაზ მღებრიშვილმა პარაგვაელ დიპლომატს საგანგებო სიტუაციების მართვის სამსახურის სტრუქტურა, ფუნქციები და პრიორიტეტები გააცნო. საუბარი შეეხო ისეთ თემებს, როგორიცაა სახანძრო უსაფრთხოება და პრევენცია, ასევე, მოხალისეთა სისტემის ფუნქციონირება. თავის მხრივ, ვალდეს პერალტამ ქართულ მხარეს მიაწოდა ინფორმაცია პარაგვაის სამოქალაქო უსაფრთხოების სისტემის შესახებ.

პარაგვაიში ხანძრის პრევენციის სისტემა საერთაშორისო NFPA სტანდარტების მიხედვით რეგულირდება. ქვეყნის სახანძრო სამსახური ფუნქციონირებს მუნიციპალურ დონზე და მეტწილად მოხალისეობრივ სისტემას წარმოადგენს. შესაბამისად, საგანგებო სიტუაციების მართვის სამსახურისთვის მნიშვნელოვანია მოხალისეთა სისტემის ფუნქციონირების მიმართულებით გამოცდილების მიღება მსგავსი პრაქტიკის მქონე ქვეყნისგან.

საგანგებო სიტუაციების მართვის სამსახურში გამართულ შეხვედრას საგანგებო სიტუაციების მართვის სამსახურის უფროსის პირველი მოადგილე - ლევან ღირსიაშვილი, პარაგვაის რესპუბლიკის კონსული ჯენგიზ დევეცი  და საგანგებო სიტუაციების მართვის სამსახურის საერთაშორისო ურთიერთობების სამმართველოს უფროსი - ნინო ბარქაია ესწრებოდნენ.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს