დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, გუშინ 300-დან 400-მდეა პირს, ვაქცინაცია კლინიკებში, პირდაპირი რიგის საშუალებით ჩაუტარდათ.

როგორც მან საკოორდინაციო საბჭოს სხდომის დასრულების შემდეგ აღნიშნა, მიმდინარე კვირის განმავლობაში აცრის დინამიკა კიდევ უფრო მოიმატებს.

„ჰაკერული შემოტევების გამო პორტალმა კვირას, შუადღის შემდეგ დაიწყო ფუნქციონირება. დღეს დილისთვის რა ინფორმაციაც მაქვს, სულ რეგისტრაცია გაიარა 27 000-ზე ოდნავ მეტმა ადამიანმა. აქედან გუშინ 2 000-ზე მეტი, ამ მომენტისთვის 25 000 ადამიანია ჩაწერილი „სინოფარმზე“ და ეს რეგისტრაცია გახსნილია 19 ივლისამდე. ჩვენ გავხსენით დაახლოებით 100 000 ადგილი „სინოფარმზე“ რეგისტრაციისთვის 19 ივლისამდე. სამწუხაროდ, ჯერჯერობით ეს აქტივობა მაღალი არაა, თუმცა პირველ დღეს 25 000-ის ჩაწერა ცუდი არ არის. დღეს მომცეს საათობრივი დინამიკა და ის თანდათანობით იმატებს.

ჩაწერის გარდა გუშინ აცრილი იყო დაახლოებით 300-დან 400-მდე პირი ე.წ. ვირტუალური კაბინეტებით და პირდაპირი რიგით. დღევანდელი აცრის პროგნოზი არის 4 556. აქედან „სიონაფარმზე“ არის 3 156, „სინოვაკზე“ – 1 196 და „ასტრაზენეკაზე“ – 204. დღეს კიდევ მოიმატრებს ეს მაჩვენებელი და დიდი იმედი გვაქვს, ამ კვირის განმავლობაში ზრდის დინამიკა იქნება. რა თქმა უნდა, ეს ჩვენ არ გვაკმაყოფილებს, ეს ცოტაა იმასთან შედარებით, რაც გვინდა და საჭიროა კუმულაციური იმუნიტეტისთვის. საკოორდინაციო საბჭოს ძირითადი ნაწილი სწორედ ამ საკითხზე მსჯელობას მიეძღვნა“, - განაცხადა ამირან გაყრელიძემ.

ავტორი: ექსპრესნიუსი,

სოციალური ქსელები

Euromoney-მ საქართველოს ბანკი CEE კატეგორიაში საუკეთესო ბანკად დაასახელა კორპორატიული სოციალური პასუხისმგებლობის მიმართულებით

პუტინმა ოკუპირებული აფხაზეთის განვითარების ხელშეწყობის შეთანხმება დაამტკიცა

კახა კალაძე რუსთაველის გამზირის რეაბილიტაციაზე: ზოგიერთი პოლიტიკური ჯგუფი ცდილობს, ადამიანების უსაფრთხოებაც კი სპეკულაციად აქციოს

თიბისიმ Global Finance-ისგან კიდევ ერთი საერთაშორისო ჯილდო მიიღო