პოლიციამ „თბილისი პრაიდის“ კვირეულის 20 მოწინააღმდეგე დააკავა

2021-07-02 00:25:45, 965 ნახვა

სამართალი

პოლიციამ იმ ტერიტორიაზე, სადაც „თბილისი პრაიდის“ კვირეულის პირველი ღონისძიება ტარდებოდა, ანტიაქციის 20 მონაწილე დააკავა.

დაკავება ადმინისტრაციული სამართალ დარღვევათა კოდექსით განხორციელდა.

შეგახსენებთ, რომ 1 ივლისს „თბილისი პრაიდის“ კვირეული დაიწყო და პირველი ღონისძიება გაიმართა, სადაც კვირეულის მოწინააღმდეგეებმა აქცია გამართეს. ისინი პრაიდის არ ჩატარებას ითხოვდნენ.

კრიმინალური და საპატრულო პოლიციის ეკიპაჟებს ტერიტორიაზე ცოცხალი ჯაჭვისა და რკინის ჯებირების განლაგება მოუწიათ. ადგილი ჰქონდა რამდენიმე ფიზიკურ დაპირისპირებასაც. აქციის მონაწილეები კვირეულის ორგანიზატორებსა და პოლიციის თანამშრომლებს კვერცხებსა და წყლის ბოთლებს ესროდნენ.

ღონისძიების დასრულების შემდეგ პოლიციამ სპეციალური დერეფნის დახმარებით მოწვეული სტუმრები და ელჩები ტერიტორიიდან გაიყვანა.

თავდაპირველად დაკავებული იქნა 11 პირი, დაკავებულთა რაოდენობა კი 20 პირამდე გაიზარდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,