„პოლიტიკური პარტია, რომელიც ახლა უნდა შეიქმნას არანაირად არ გახლავთ „ქართული ოცნების“ მოკავშირე“, - ამის შესახებ პარლამენტის თავმჯდომარემ არჩილ თალაკვაძემ გიორგი გახარიას პარტიაზე საუბრისას განაცხადა.

მან ასევე აღნიშნა, რომ ქვეყანა ოპოზიციური პარტიების დეფიციტს არ განიცდის.

„რაც შეეხება გიორგი გახარიას, თუ რა პერსპექტივა აქვს მის პარტიას, რომელიც ჯერ არ არის შექმნილი და ექნება პრეზენტაცია, ამაზე თავად უნდა ისაუბროს, წინასწარ მის პერპექტივებზე რაიმე შეფასებები გავაკეთოთ, მგონი არ იქნება სწორი.

ჩვენ ჩვენს მხარდამჭერებს ვუთხარით მკაფიოდ, რომ „ქართული ოცნება“ არის კონსოლიდირებული გუნდი. რა თქმა უნდა, ეს პოლიტიკური პარტია, რომელიც ახლა უნდა შეიქმნას არანაირად არ გახლავთ „ქართული ოცნების“ მოკავშირე, მონათესავე ან რაიმე პროექტის ნაწილი როგორც ამაზე ჩვენი ოპონენტები და ოპონენტების მართული ტელევიზიები ინსინუაციების შექმნას ცდილობენ.

მგონია, ამ ქვეყანაში ოპოზიციური პარტიის დეფიციტს არ განვიცდით. მთავარი ინტერესი დღეს ის კი არ უნდა იყოს, კიდევ რამდენი ოპოზიციური პარტია იქნება შექმნილი, უნდა იყოს მიმართული იქითკენ, რაც ხალხს ყველაზე მეტად აწუხებს“, - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება