თბილისის საქალაქო სასამართლოში „ნაციონალური მოძრაობის“ თავმჯდომარის, ნიკა მელიას სასამართლო პროცესი მიმდინარეობს.

დღევანდელ სასამართლო პროცესზე ბრალდების მხარის მტკიცებულებების გამოკვლევა, პროკურატურის მოწმეების გამოკითხვით უნდა დაიწყოს.

სასამართლო პროცესს არ დაესწრება თავად ბრალდებული, ნიკა მელია, რადგან მოსამართლე ნინო ჩახნაშვილმა ის სასამართლო დარბაზიდან ერთ-ერთ პროცესზე გააძევა.

როგორც ნიკა მელიას ადვოკატმა, გიორგი კონდახიშვილმა პროცესის დაწყებამდე ჟურნალისტებს განუცხადა, ბრალდების მხარის ძირითადი მოწმეები ძალოვანი სტრუქტურის თანამშრომლები არიან.

„იწყება არსებითი სასამართლო სხდომა, სადაც ბრალდების მხარის მტკიცებულებები უნდა გამოვიკვლიოთ. ჩვენდა სამწუხაროდ, ჯერჯერობით ჩვენთვის უცნობია, კონკრეტულად რომელი მოწმეების მოყვანას აპირებს ბრალდების მხარე. ბრალდების ძირითადი მოწმეები არიან ძალოვანი სტრუქტურის თანამშრომლები, დაახლოებით 90%, რომლებიც აძლევენ ჩვენებას მათ მიერ მიღებულ დაზიანებებთან დაკავშირებით“, - განაცხადა ნიკა მელიას ადვოკატმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სქროლვა-სქრინვის (ცენზურის) დეპარტამენტმა სასამართლოებს უკვე 60 საქმე გადასცა

Amnesty — საქართველოს ხელისუფლებას: შეწყვიტეთ ცილისწამება, გააუქმეთ კანონები და გამოიძიეთ ძალადობა

სერბეთის პრეზიდენტი კათოლიკოს შიო III-ს შეხვდა

ყაველაშვილი: საქართველო დაინტერესებულია დასავლეთ ბალკანეთის ქვეყნებთან ურთიერთობების გაფართოებით