ამირან გამყრელიძის განცხადებით, საქართველოში 18 წლამდე მოსახლეობის აცრა ჯერჯერობით არ იგეგმება

2021-05-07 13:34:32, 784 ნახვა

საზოგადოება

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველოში ჯერჯერობით 18 წლამდე მოსახლეობის აცრა არ იგეგმება.

მისი თქმით, აღნიშნულ საკითხზე საქართველოში მას შემდეგ იმსჯელებენ, რაც ჯანმრთელობის მსოფლიო ორგანიზაცია და ევროპის წამლის სააგენტო განიხილავს.

„საქართველოში ჯერ ალბათ ვერა. მოგეხსენებათ, ეს დაუშვა ახლა კანადამ. ჯერ მხოლოდ „ფაიზერზეა“ ჩატარებული კვლევები 12-დან 18 წლამდე ასაკის მოსახლეობაში. ასევე „ასტრაზენეკაც“ ატარებს ამ კვლევებს. ალბათ შემოდგომამდე მაინც, სანამ ამას ჯანმრთელობის მსოფლიო ორგანიზაცია და ევროპის წამლის სააგენტო არ განიხილავს, ჯერჯერობით ამაზე ჩვენთან საუბარი არ არის. თუმცა ეს საკითხი ძალიან მნიშვნელოვანია იმიტომ, რომ ბავშვების აცრის გარეშე პანდემიას მსოფლიო ვერ დაამარცხებს“, - განაცხადა ამირან გამყრელიძემ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,