ჯანდაცვის მინისტრის მოადგილის, თამარ გაბუნიას განცხადებით, ჰოსპიტალურ სექტორში არსებული საწოლფონდი, დღეის მდგომარეობით, საკმარისია.

როგორც მან უწყებათაშორისი საკოორდინაციო საბჭოს სხდომის დასრულების შემდეგ აღნიშნა, ქვეყანაში დამატებითი კლინიკების მობილიზებაზე მუშაობა მიმდინარეობს.

„ინფექციის გარკვეულწილად მატებასთან ერთად იზრდება მობილიზება ჯანდაცვის სექტორშიც. დღეის მდგომარეობით, 3 700-მდე პაციენტი რჩება ჰოსპიტლებში. მიდის მუშაობა დამატებითი კლინიკების მობილიზებაზე. გეგმა გვაქვს 10 მაისამდე 6 000 საწოლის მობილიზება. დღევანდელი მდგომარეობით აქტიური შემთხვევები დაახლოებით 14 ათასამდეა. გასული მეორე ტალღის პერიოდში აქტიური შემთხვევები 31 ათასი იყო. ეს იყო მაქსიმალური პიკური მაჩვენებელი. ამ პერიოდში საწოლფონდის დატვირთვა შეადგენდა 6 700 პაციენტს. აქედან გამომდინარე, მაქსიმალური დატვირთვის პირობებში, დაახლოებით 7 500 საწოლის მობილიზება სჭირდება ჰოსპიტალურ სექტორს, თუმცა დღევანდელ მდგომარეობაში, ის საწოლფონდი, რომელიც გვაქვს არის სრულად საკმარისი. მეტი დატვირთვაა თბილისზე, სხვაგან საბედნიეროდ უკეთესი მდგომარეობაა. ამდენად, თბილისში აქტიურად ხდება საწოლების მობილიზება“, - განაცხადა თამარ გაბუნიამ.

ავტორი: ექსპრესნიუსი,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ