მეუფე სტეფანეს ყველა გადაწყვეტილება მღვდელმთავრების მიერ სრულად მხარდაჭერილია, - ამის შესახებ საპატრიარქოს საზოგადოებასთან ურთიერთობის სამსახურის უფროსმა, მამა ანდრია ჯაღმაიძემ საეკლესიო კრების დასრულების შემდეგ ჟურნალისტებს განუცხადა.

როგორც მან აღნიშნა, სასულიერო პირები ვალდებულები არიან დაემორჩილონ მეუფე სტეფანეს და საპატრიარქოს მხრიდან მათი აპელაციის განხილვას დაელოდონ.

„ძალიან მკაფიოდ და ერთმნიშვნელოვნად უნდა ითქვას, რომ მეუფე სტეფანეს ყველა გადაწყვეტილება და მოქმედება, რაც ეპარქიაში განახორციელა არის სრულად მხარდაჭერილი და ლეგიტიმური. ამიტომ, გაგრძელდება მხარდაჭერა ყველა იმ ზომებისა, რაც მეუფე სტეფანემ მიიღო. მეორე საკითხი რაც არის - ეს არის გარკვეული დესტრუქცია. ჩვენ ვიხილეთ, რომ მეუფე სტეფანეს მიერ მივლენილი მოძღვარი არ შეუშვეს ტაძარში, ეს შეფასებულია როგორც ამბოხი. კიდევ ერთხელ მოვუწოდებ სასულიერო პირებს, რომ მიიღონ მღვდელმთავრის მიერ განჩინებული ეპითემია, დაემორჩილონ მას და შეასრულონ ყველა ის მითითება, რაც ევალება სასულიერო პირს, რომ მღვდელმთავრისგან მიიღოს. რაც შეეხება მათ მიერ შემოტანილ აპელაციას, ამას მიიღებს და განიხილავს სინოდი. სწორედ ამ აპელაციას უნდა დაელოდონ, მანამდე კი ვალდებულნი არიან, მეუფე სტეფანეს მითითებებს, განკარგულებებს და კურთხევებს დაემორჩილონ“, - განაცხადა ანდრია ჯაღმაიძე.

ავტორი: ექსპრესნიუსი,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ