2021-03-24 15:07:32, 1035 ნახვა
სამართალი
მედიის ინფორმაციით, რუსეთ-საქართველოს საზღვარზე დაპირისპირებას ერთი ადამიანის სიცოცხლე ემსხვერპლა
რუსეთ-საქართველოს საღვარზე სატვირთო ავტომანქანების მძღოლებს შორის დაპირისპირებას, ერთი ადამიანის სიცოცხლე ემსხვერპლა, - აღნიშნულ ინფორმაციას რუსული მედია ავრცელებს.
მათივე ცნობით, დაპირისპირებაში მონაწილე პირები არ არიან არც საქართველოს და არც რუსეთის მოქალაქეები, თუმცა კონკრეტულად რომელი ქვეყნიდან არიან, ჯერჯერობით უცნობია.
როგორც რუსული გამოცემა წერს, ადგილზე ქართველი გამომძიებლები მივიდნენ, „ეფ-ეს-ბე“-ს სასაზღვრო დეპარტამენტი კი, აღნიშნულ ინფორმაციას არც უარყოფს და არც ადასტურებს.
ცნობისთვის, სასაზღვრო გადასასვლელი, რომელიც საქართველოს სამხედრო მაგისტრალზე მდებარეობს, ზვავსაშიშროების გამო დაკეტილია, რის გამოც, იქ დიდი რაოდენობით სატვირთო ავტომანქანებია დაგროვილი.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
