2021-03-10 10:40:30, 609 ნახვა
სამართალი
დღეს თბილისის საქალაქო სასამართლოში ნიკა გვარამიას პროცესი განახლდება
დღეს თბილისის საქალაქო სასამართლოში ტელეკომპანია „მთავარი არხის“ გენერალური დირექტორის, ნიკა გვარამიას პროცესი გაგრძელდება.
როგორც გვარამიას ადვოკატი დიტო საძაგლიშვილი აცხადებს, დღევანდელ სასამართლო პროცესზე ბრალდების მხარე ორი მოწმის დაკითხვას აპირებს. ადვოკატის თქმით, ბრალდების მხარის მოწმეები არა თუ ადასტურებენ ბრალდებას, პირიქით, ხაზს უსვამენ ნიკა გვარამიას უდანაშაულობას.
შეგახსენებთ, რომ სასამართლო ნიკა გვარამიას „რუსთავი 2“-ის კანონიერი ინტერესის საწინააღმდეგოდ უფლებამოსილების ბოროტად გამოყენებასა და დიდი ოდენობით თანხის მითვისებას ედავება.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
