2021-02-19 15:15:12, 638 ნახვა
სამართალი
ადვოკატი - გამორიცხული არაა, ნიკა მელიასთან დაკავშირებით უკანონო გადაწყვეტილების აღსრულებას შეეცადონ
„გამორიცხული არაა, ნიკა მელიასთან დაკავშირებით უკანონო გადაწყვეტილების აღსრულებას შეეცადონ“, - ამის შესახებ ნიკა მელიას ადვოკატმა, დიმიტრი საძაგლიშვილმა განაცხადა.
მისი თქმით, ნიკა მელიასთან მიმართებაში მიღებული უკანონო გადაწყვეტილება არ უნდა აღსრულდეს.
„იმდენად ირაციონალური იყო ხელისუფლების მოქმედებები ნიკა მელიას საქმესთან მიმართებაში, რომ რთულია ლოგიკური ვარაუდების გაკეთება, თუ რა გაგრძელება შეიძლება მოჰყვეს ამას. გამორიცხული არაფერი არ არის, მათ შორის ისეთი გადაწყვეტილების მიღება, რომ ისევ შეეცადონ უკანონო გადაწყვეტილებას აღსრულებას. ცალსახად შემიძლია ვთქვა, რომ ეს გადაწყვეტილება არის უკანონო და არ უნდა იქნება აღსრულებული“ , - განაცხადა დიმიტრი საძაგლიშვილმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
