2015-10-05 11:42:13, 549 ნახვა
საზოგადოება
ირაკლი ლექვინაძე: ვაკე-საბურთალოს ახალი გზის ნაწილი ოქტომბერში გაიხსნება
თბილისის ვიცე-მერის ირაკლი ლექვინაძის განცხადებით, დედაქალაში მიმდინარე ყველა ინფრასტრუქტურული სამუშაო ოქტომბერში დასრულდება.
რაც შეეხება ვაკე-საბურთალოს ახალ გზას, როგორც ლექვინაძემ ჟურნალისტებს განუმარტა, გზის ნაწილი გახსნილია, ნაწილის გახსნა კი, ოქტომბრის თვეში მოხდება.
"ეს არის მიმდინარე ინფრასტრუქტურული სამუშაოები, რომელზეც ხორციელდება რეაბილიტაცია. გარკვეული შეფერხებები არის, თუმცა სამუშაოები მალე დასრულდება. რაც შეეხება ახალ გზას, ნაწილი არის გახსნილი. ერთი მიმართულების გახსნა კი, ოქტომბრის თვეში მოხდება. მინდა აღვნიშნო, რომ ყველა სარეაბილიტაციო სამუშაოები, რომლებიც ახლა მიმდინარეობს, მიყვანილი იქნება ოქტომბერში ბოლომდე", - განაცხადა ირაკლი ლექვინაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
