4 ოქტომბრის 10.00 საათის მონაცემებით, კახეთის რეგიონში 114 ათასი ტონა ყურძენი გადამუშავდა.  ოფიციალური მონაცემებით,  მოსავლის რეალიზაციის შედეგად მიღებულმა შემოსავლებმა 77 მლნ ლარს გადააჭარბა. 

3 ოქტომბერს  დღეღამურად გადამუშავდა 4 591 ტ, რაც მიუთითებს, რომ რთველი კახეთში ამ დრომდე აქტიურად მიმდინარეობს.  რთველი ფაქტობრივად დასრულებულია დედოფლისწყაროსა და სიღნაღის რაიონებში. ყურძნის გადამუშავების პროცესი კახეთში შეფერხების გარეშე მიმდინარეობს. ღვინის ქარხნებში ყურძენი 14 ათასამდე მევენახემ ჩააბარა.

ამ დროისთვის გადამუშავებულია  რქაწითელი 59 ათასი ტონა, საფერავი - 40,1 ათასი  ტონა, ასევე 2,7 ათასი ტონა  კახური მწვანე და 12 ათასი ტონა სხვა ჯიშის ყურძენი.

კახეთში ყურძნის გადამუშავება მუნიციპალიტეტების მიხედვით ასე გამოიყურება: გურჯაანი - 37,8 ათასი ტონა, თელავი - 26,2 ათასი ტონა, ყვარელი - 20,5 ათასი ტონა, სიღნაღი - 7,8 ათასი ტონა, ლაგოდეხი - 7,7 ათასი ტონა, დედოფლისწყარო - 2,2 ათასი ტონა, ახმეტა - 4 ათასი ტონა და საგარეჯო - 7,4 ათასი ტონა. 
რთველის მიმდინარეობის შესახებ მოსახლეობის ინფორმირების მიზნით, მუშაობას განაგრძობს ცხელი ხაზი 2 47 01 01 და სპეციალური ინტერნეტ საიტი www.rtveli2015.gov.ge.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა