2021-01-15 12:38:47, 761 ნახვა

---

გიორგი გელხაურის განცხადებით, ბრალდებას არ აქვს მტკიცებულება, რომელიც დაადასტურებს, თუ როგორ აღმოჩნდა შაქარაშვილი წყალში

გიორგი შაქარაშვილის მკვლელობაში ბრალდებულ ზ.ხ.-ს ადვოკატის, გიორგი გელხაურის განცხადებით, ბრალდების მხარეს აღნიშნულ საქმეში არც ერთი მტკიცებულება არ მოეპოვება, რომელიც დაადასტურებს, თუ როგორ აღმოჩნდა შაქარაშვილი წყალში.

როგორც მან აღნიშნა, დაცვის მხარეს ბრალდებულების მიმართ გამამართლებელი განაჩენის მოლოდინი აქვს.

„ვინ მიაყენა დაზიანებები გიორგი შაქარაშვილს და როგორ აღმოჩნდა წყალში, ამაზე ექსპერტები ვერ გვესაუბრებიან. გამომდინარე იქიდან, რომ ამ საქმეში არ არსებობს მტკიცებულებები, რომელიც დაადასტურებს რა მდგომარეობაში და რა ვითარებაში მიიღო გიორგი შაქარაშვილმა დაზიანებები და წყალში როგორ აღმოჩნდა, დაცვის მხარეს გვაქვს მოლოდინი იმისა, რომ დადგება გამამართლებელი განაჩენი“, - განაცხადა გიორგი გელხაურმა.

შეგახსენებთ, რომ 19 წლის ფეხბურთელის, გიორგი შაქარაშვილის მკვლელობის საქმეზე ბრალდებულები არჩილ გაგნიძე, ვახტანგ ჩიქოვანი, ნიკოლოზ რევაზიშვილი, ზ.ხ. და ა.ქ. არიან.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი