საარჩევნო ადმინისტრაციის მოხელეთა სასერტიფიკაციო გამოცდები დაიწყო.

ცენტრალურის საარჩევნო კომისიის ინფორმაციით, 3220 მსურველი (ქალი - 2186 კაცი - 1034), გამოცდას ეტაპობრივად 14 ოქტომბრის ჩათვლით ჩააბარებს.

როგორც დღეს ცესკოს თავმჯდომარე თამარ ჟვანიამ ჟურნალისტებთან საუბრისას აღნიშნა, სერტიფიცირება საქართველოს მოქალაქის საარჩევნო კანონმდებლობის ცოდნისა და ზოგადი უნარების დადგენას ისახავს მიზნად; სერტიფიცირება საკანონმდებლო მოთხოვნაა, რომელიც შემდგომში საარჩევნო ადმინისტრაციას, მაღალკვალიფიციური მოხელეების  შერჩევაში შეუწყობს ხელს.

საგამოცდო პროცესს საარჩევნო სისტემების განვითარების, რეფორმებისა და სწავლების ცენტრი უზრუნველყოფს. თავად გამოცდის მიმდინარეობას კი არასამთავრობო ორგანიზაცია „განვითარებისა და დემოკრატიის ცენტრი“ დააკვირდება.

გამოცდის ჩატარების ხანგრძლივობა 1 საათია და ელექტრონული ტესტირების მეთოდით ტარდება. თითოეულმა გამოსაცდელმა შემთხვევითი შერჩევის მეთოდით მოცემული 30 საგამოცდო ტესტიდან სერტიფიკატის მისაღებად 24-ს სწორი პასუხი უნდა გასცეს. 

გამსვლელი ქულის მიღების შემთხვევაში გამოსაცდელს სერტიფიკატი ადგილზე გადაეცემა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი