საქართველოს ყოფილი პრეზიდენტი, მიხეილ სააკაშვილი აცხადებს, რომ კორონავირუსი რამდენიმე კვირის წინ, უსიმპტომოდ გადაიტანა.

როგორც მან „ტვ პირველის“ ეთერში განაცხადა, 8 ნოემბერს დაგეგმილ აქციაზე მთავარია მოქალაქეების კონსოლიდაცია, მათ არაფრის უნდა შეეშინდეთ.

„საქართველოს საზოგადოებამ გამოიღვიძა. საზოგადოებას აქვს ძალიან დიდი სიამაყისა და კონსოლიდაციის განცდა. ძალიან ვამაყობ, რომ მთელი ოპოზიციური სპექტრი გაერთიანდა. თითოეული ეს ადამიანი იმსახურებს განსაკუთრებულ მადლიერებას და პატივისცემას. ახლა მთავარია საზოგადოების ფართო კონსოლიდაცია. არაფრის არ უნდა შეგვეშინდეს, დაავადებებია, რაღაცებია, მაგრამ მე თვითონ გადავიტანე ეს ვირუსი რამდენიმე კვირის წინ, მსუბუქ გრიპზე უფრო მსუბუქად გადავიტანე. ამას ბევრი ადამიანი ამბობს. რა თქმა უნდა, ფრთხილად უნდა ვიყოთ. ვიყავი ინფიცირებული და თითქმის არც გამიგია, უბრალოდ მერე ამომიგდო ანტისხეულებზე. არ უნდა გვეშინოდეს, ფრთხილად უნდა ვიყოთ, ნიღაბი უნდა ვატაროთ, ხელები უნდა დავიბანოთ. ჩემ გარშემო უამრავმა ადამიანმა გადაიტანა და თითქმის არავის არანაირი გართულება არ ჰქონია. მაგრამ ქვეყნის დაკარგვა კი მართლა მომაკვდინებელია და თითოეული ჩვენგანის არსებობის დასრულება შეიძლება იყოს“, - განაცხადა მიხეილ სააკაშვილმა.

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება